Игі істердің бастамасы болған – ТИГУ!
Венгрияда ректорлар форумы өтті
joomla

ХАБАРЛАНДЫРУ

 

   Хабарландыру

23.05.2019 ж.

Қауымдастырылған профессор (доцент) ғылыми атағын алу.

Қазақстан Республикасы Білім және Ғылым министрінің 2011 жылғы 31 наурыздағы №128 бұйрығымен бекітілген ғылыми атақтар (қауымдастырылған профессор (доцент), профессор) беру ережесіне сәйкес, Қазақстан Республикасы Білім және Ғылым министрінің 2019 жылғы 16 қаңтардағы №15 бұйрығына сәйкес өзгерістер мен толықтыруларды ескере отырып, Тараз инновациялық-гуманитарлық университетінің Ғылыми кеңесі 25.05.00-География мамандығы бойынша қауымдастырылған профессор (доцент) ғылыми атағын беру үшін «Биология, ауылшаруашылық мамандықтар, география және туризм»кафедрасының доценті м.а.Махмудова Ляззат Камалқызыныңанықтамасымен ғылыми еңбектерінің тізімін жариялайды.

Список трудов Махмудовой

Справка о Махмудовой

Медицина - адамды, ал ветеринария - адамзатты емдейді!

Медицина - адамды, ал ветеринария - адамзатты емдейді!

 Орыстың атақты ғалымы, ветеринария саласының негізін қалаушы академик Константин Скрябиннің «Адам дәрігері адамды емдесе, мал дәрігері бүкіл адамзатты емдейді» деген қанатты сөзі бар. Заман талабына сай мал шаруашылығын дамыту үшін алдымен ветеринария саласының маманын даярлауға, оның сапасына мән бергеніміз жөн. Ауыл шаруашылығы министрлігі 2013-2020 жылдарға агроөнеркәсіптік кешенді дамытудың салалық бағдарламасы жобасында ветеринариялық қауіпсіздік жүйесін дамытуға баса назар аударылған. Экономиканы өрге сүйрейтін сала осы - ауыл шаруашылығы. Қазіргі кезде ветеринарлардың жетіспейтіндігі Үкіметтің биік мінберінен де айтыла бастады. 90-шы жылдардың тоқырауымен таршылықта қалған таңдаулы кәсіптің мамандарын толтыру мақсатында Тараз инновациялық-гуманитарлық университетінде 2017-2018 оқу жылынан бастап «Ветеринариялық санитария» мамандығы бойынша мамандарды дайындау, халықаралық стандартқа сәйкес кредиттік білім жүйесі арқылы жүргізілуде. Мамандықтың басты мақсаты еліміздің азық-түлік қауіпсіздігін қамтамасыз етуге және ұлт денсаулығын сақтауға қабілетті жоғары білікті мамандарға мемлекет қажеттіліктерін қанағаттандыру болып табылады.

«Жаратылыстану» факультетінің «Стандарттау және ветеринариялық санитария» кафедрасына қарасты бұл мамандықта қазіргі таңда 50-ден астам студент білім алуда. Студенттердің білімін арттыру мақсатында 2019 жылдың қаңтар айында мамандыққа арналған «Ветеринариялық санитарлық сараптау» оқу-ғылыми зертханасы құрылып, қазіргі заман талабына сай жабдықтармен (бу стерилизаторы (автоклав), дистилятор, бинокулярлық микроскоптар, «Лактан 1-4» сүт талдағышы, рН-метр, термостат, су моншасы, ламинарлы шкаф, т.б.) қамтамасыз етіліп, қазіргі таңда білімгерлер барлық тәжербиелік және зертханалық сабақтарын сол жерде өткізуде.

1234567891011121314                                 

Білімгерлер сабақ тақырыптары бойынша бірнеше зертханалық жұмыстарын жасап, қажетті нәтижелерге қол жеткізді. Атап айтар болсам, әр түрлі өндірісте шығарылған сүттерге ветеринариялық санитарлық сараптама жасап, сүттің сапасын тексерді, сонымен қатар, микроорганизмдерді өсіріп, бөліп алу үшін қоректік орталарды дайындады. Сабақ барысында қолданылған зертханалық ыдыстарды бу стерилизаторында, яғни, автоклав қондырғысында залалсыздандырып, олардың келесі жұмысқа стерильді болуын қамтамасыз етті. Дистилятор қондырғысын пайдалана отырып, дистилденген су жинап, олардан физиологиялық ерітінді дайындап, рН-көрсеткішін анықтауды үйренді. Су моншасында қажетті биологиялық материалдарды инактивтеу процесімен танысты. Аталған оқу-ғылыми зертханасында әртүрлі ветеринариялық санитарлық сараптамамен қатар, микробиологиялық, вирусологиялық, серологиялық зерттеулер де жүргізілетін болады.

Мал шаруашылығын дамытуда бұл мамандық иелерінің атқаратын жұмысы өте маңызды. Қазақтың «Ауру-астан» дегенін де білеміз, себебі, адам ауруларының 70-80 пайызы мал және одан алынған өнімдерден беріледі. Сондықтан қолға үйретілген барлық жануарлар мен құстардың, тіпті ара мен балық та түрлі аурудан таза, өнімдері сапалы болғанда ғана адам денсаулығына айтарлықтай қауіп төнбейді. Сондықтан да «Медицина – адамды, ал ветеринария – бүкіл адамзатты емдейді» деп бекер айтпаса керек академик К.Скрябин.

Мемлекет басшысының «Болашаққа бағдар: рухани жаңғыру» атты мақаласында «Туған жер» бағдарламасын ұсынуы да ауыл жастарының бойында патриоттық сезімді оятуға бағытталған қадам екені белгілі. Ауылды аялап, ауыл жастарына жағдай жасап, бүкіл адамзатты емдейтін мамандықты университетімізде ашып, ветеринария саласындағы болашақ мамандардың санын көбейтуге үлесін қосып отырған Ерболат Байұзақұлына алғысым шексіз!

Тараз инновациялық-гуманитарлық университетінің

«Ветеринария және мал шаруашылығы» ғылыми-зерттеу институтының

жетекші ғылыми қызметкері, техника ғылымдарының магистрі Есимбекова Н.Б.

ХІ республикалық пәндік олимпиада

               КЕРЕКУДЕГІ КЕЗЕКТІ КЕЗДЕСУ

Биыл дәстүрлі түрде өтетін журналистика мамандығы бойынша студенттер арасындағы ХІ республикалық пәндік олимпиада Павлодар қаласында жалғасын тауып отыр.

Болашақ БАҚ өкілдері бақталасатын бұл жарысқа еліміздің жоғары оқу орындарынан 17 құрама қатысуда. Кіл мықтыдан кім мықтыны анықтау үшін бағы мен бабын бағушылар жалпы 5 кезең бойынша шеберліктерін көрсетуі шарт. Олар жарыс ережесіне сай қазылар алқасының ұпайларымен бағаланады. Бұл байқаудың берері бәссіз басым. Өйткені келген қатысушылар тек жарысып қана қоймай, Кереку жерінің көркіне куә болады. Осы орайда оларға арнайы экскурсия да ұйымдастырылды. Саяхат барысында командалар Ауған соғысы ардагерлері аллеясы мен Сұлтанмахмұт Торайғыров саябағының және әйгілі Мәшһүр Жүсіп мешітінің тарихымен танысты. Одан әрі Бұқар жырау атындағы әдебиет және өнер мұражайына бағытты бұрған байқаушылар, қаланың басқа да мәдени ошақтарын аралады. Айта кетейік, болашақ тілшілер додасы әлі де жалғасуда. Жүлдегерлер жарыс соңында анықталып, арнайы сыйлықтармен маратталатын болады.

1  2      3 4

Нұрлан Әбдікәрім. Тараз қаласы

«IQ - аламан» интеллектуалды сайысы

«IQ - аламан» интеллектуалды сайысы

2019 жылы наурыздың 29-ы күні Қазақ мемлекеттік қыздар педагогикалық университетінде Қазақстан Республикасының тұнғыш Президенті Н.Назарбаевтың «Болашаққа бағдар: Рухани жаңғыру» бағдарламалық мақаласының аясында және Жастар жылына орай ұйымдастырылған Қазақстан Республикасы жоғары оқу орындарының студенттері арасындағы «IQ - аламан» интеллектуалды сайысы өткізілді.

Бұл сайысқа Тараз инновациялық-гуманитарлық университетінің 5В060200-«Информатика» және 5В070400-«Есептеу техника және БҚЕ» мамандықтарының студенттерінен құралған «Limitless» командасы қатысты. «IQ-аламан» интеллектуалды сайысында біздің команда жүлделі І орынға ие болды.

Команда мүшелері – ЕТ-17-1 тоб.ст. Шарапов Нұрғиса, ЕТ-16-1 тоб.ст. Әділбек Фериза, Инф-18-1 окб Кумекбай Мейрамбай. Жетекшілері – «Ақпаратты-коммуникативтік технологиялар» кафедрасының аға оқытушылары Салғараева М.И., Ерманова Г.Б.

Сайыс 2 кезеңнен тұрды:

І-КЕЗЕҢ. «Ақылды технологиялар - цифрлық дәуір мүмкіндігі» көрмесі. Үй тапсырмасы ретінде әр команда Елбасымыздың 2018 жылғы «Төртінші өнеркәсіптік революция жағдайындағы дамудың жаңа мүмкіндіктері» жолдауында көрсетілген міндеттерін іске асыру жолында өздерінің «Ақылды технология» үлгілерін ұсынып, таныстырды. ТИГУ студенті Шарапов Н. өнеркәсіпті автоматтандыруға арналған роботтарын (фармацевтика саласына) жасап, ұсынды.

ІІ-КЕЗЕҢ. «IQ-Linguist», «IQ-Typist», «Magic square», «IQ-Detective» - интеллектуалды сайыстары.

                           ЖЕҢІМПАЗДАРДЫ ҚҰТТЫҚТАЙМЫЗ!

Интеллектуальный конкурс «IQ-Alaman» среди студентов ВУЗов Казахстана

29 марта 2019 года в Казахском государственном женском педагогическом университете состоялся студенческий интеллектуальный конкурс «IQ-Alaman» среди вузов РК, организованный в рамках статьи Первого Президента РК Н. Назарбаева «Взгляд в будущее: модернизация общественного сознания» и посвященный Году молодежи.

В этом конкурсе от нашего университета участвовала команда «Limitless» - студенты специальностей 5В060200-«Информатика» и 5В070400-«Вычислительная техника и ПО». В интеллектуальном конкурсе «IQ-аламан» наша команда заняла І место.

            Члены команды – ст. гр. ЕТ-17-1 Шарапов Нургиса, ст.гр. ЕТ-16-1 Адилбек Фериза, ст.гр. Инф-18-1(ссо) Кумекбай Майрамбай. Руководители – ст. преподаватели кафедры «Информационно-коммуникационные технологии» Салгараева М.И. и Ерманова Г.Б.

Конкурс состоял из двух этапов:

1) Выставка «Умные технологии - возможность цифровой эры». Каждая команда в качестве домашней работы представила свои модели «Умных технологий» по реализации задач, обозначенных в Послании Президента в 2018 году «Новые возможности для развития в контексте Четвертой промышленной революции». Студент ТИГУ Шарапов Н. представил образцы промышленных роботов (для фармацевтики ), предназначенных для автоматизации производства.

2) Собственно интеллектуальный конкурс: «IQ-Linguist», «IQ-Typist», «Magic square», «IQ-Detective».

 

 IMG 20190402 110852 IMG 20190402 111009

Ректордың блогы

logo10let

logopromishrevol kaz

ruhani jangyru logo

Видеогалерея

Фотогалерея

logo 3d