joomla

Ерлікке тағзым

Ерлікке тағзым

Университет басшылығы Ұлы Отан соғысының ардагері Бегасыл Белгібаевты Жеңістің 75 жылдығымен құттықтады.
Соғыс шебіне 1943 жылы аттанған майдангер Жуалы өңірінде дүниеге келген. Қиыр Шығыста Чита қаласында атқыштар полкында жауынгер болған ол Жапон басқыншыларынан азат етуге де қатысқан. Елге 1948 жылы оралған.
Мереке қарсаңында соғыс ардагеріне ТИГУ-дің бірінші проректоры Асқар Абдуалы ҚР Президенті Қасым-Жомарт Тоқаевтың құттықтау хатын жеткізіп, мемлекет ұсынған қаржылай сыйақы сертификатты табыстады. Сонымен қатар, университет тарапынан да арнайы сыйлық жасалды.
Асқар Абдуалы Жеңіс күнін жақындатқан майдангерлерге құрмет мейрам қарсаңында ғана емес, жыл бойы жасалу керектігін айтып, деніне саулық, отбасына амандық тіледі.

Республикалық «The Best Мobile App - 2020»

Құттықтаймыз!

Республикалық «The Best Мobile App - 2020»мобильді қосымша жасау

сайысында «Есептеу техникасы және бағдарламалық қамтамасыз ету»мамандығының студенттері жүлделі 2 орынға ие болды

Елбасының «Болашаққа бағдар: рухани жаңғыру» атты мақаласындағы міндеттерді жүзеге асыру мақсатында 2020 жылы 24 cәуірде Алматы қаласында Қазақ ұлттық қыздар педагогикалық университеті ұйымдастыруымен ЖОО студенттері арасында Республикалық «The Best Мobile App - 2020» атты мобильді қосымша жасау сайысы онлайн түрде өткізілді. Республикалық«The Best Мobile App - 2020» мобильді қосымша жасау сайысының басты мақсаты - латын графикасына өтуге байланысты интерактивті үйретуші мобильді қосымшалар жасауда студенттердің шығармашылық қабілеттерін ашу, ғылыми зерттеу қызығушылығын арттыру, дарынды студенттерге қолдау көрсету.

Сайысқа Тараз инновациялық-гуманитарлық университетінен «ITCODDER», Абай атындағы Қазақ ұлттық педагогикалық университетінен «JASTIME», Алматы технологиялық университетінен «RENAISSANCE», Нархоз университетінен «Narxoz», М.Тынышбаев атындағы Қазақ көлік және коммуникациялар академиясынан «Smart students», Қазақ ұлттық қыздар педагогикалық университетінен «ILLUMINATI» командалары қатысты.

Мобильді қосымша жасау сайысы 2 кезеңнен тұрды: 1-кезеңде «Кім жылдам» атты онлайн тест тапсырмаларына әр командадан бір қатысушы Kahoot платформасында сұрақтарға жауап берді. Сонымен қоса, «Ойлан тап» атты сайыста логика және ақпараттық технологиялар саласы бойынша тапсырмалар онлайн түрде орындалды.

2-кезеңде«Digital mobile application» атты үй тапсырмасы бойынша командалар латын графикасына негізделген әліпбиді үйретуге арналған мобильді қосымша жобасын ұсынып, қорғады. Біздің университеттің «ITCODDER» командасы, атап айтсақ ЕТ-17-1 тобының студенттері Шарапов Нұрғиса және ЕТ-16-1 тобының студенті Әділбек Фериза (жетекшісі аға оқ. Салғараева М.И. ) жүлделі 2-і орныға иеленді.

Студенттер қашықтан оқыту туралы

Тараз Инновациялық Гуманитарлық

Университеті, «Білім» факультеті,

«Шет тілі: екі шет тілі» мамандығының

студенті

Ким Татьяна

Пікір

            Мен, Ким Татьяна, оқытушы Таласбаева Мадина Ерқазықызының«Шет тілін арнайы мақсатта оқыту (С1 деңгей)» пәнінің онлайн сабағына қатысқаныма өте қуаныштымын және алғашқы онлайн сабағым туралы алған әсеріммен бөліскім келеді. Сабақ «Zoom» бағдарламасы арқылы жүргізілді, «ИЯ-17-2» және «ШТ17-1» тобының барлық студенттері бірге қатыса алды. Сабақ «6-бөлім: Feelingandemotions», яғни «Сезімдер мен эмоциялар» деген тақырыпта өтті. Пән практикалық сабақ ретінде есептелінетіндіктен, сабақ барысын жоспарлау қиындау болды. Себебі, біз тақтаға шығып, жағдаяттар мен көріністерді көрсетіп, сонымен қатар, өлең айтып үйренгенбіз. Басында мұның барлығын онлайн түрде қалай көрсететінімізді елестете алмадым. Бірақ біздің мұғалім әрқашан өзінің педагогикалық оқыту әдістерімен ерекшеленетін. Бұл жолы онлайн интеллектуалдық ойын ойнадық. Бірнеше бейтаныс сөздердің мағынасын түсіну мақсатында құпия сөздерді белсенді тауып алдық. Тақырыпты талқылап, жаңа сөздермен таныс болғаннан кейін бірнеше үй тапсырмаларын алдық.

            Оқытудың басты құндылығы - тілге деген қызығушылықты сақтау, оның әртүрлілігін және қазіргі өмір жағдайында үнемі жаңарып отыру мүмкіндігін қолдана алу. Біздің мұғалім Таласбаева Мадина Ерқазықызы заманауи, бәсекеге қабілетті педагог ретінде өзін таныта алады. Қиын қыстау кезінде, еш қысылмай сапалы , қызықты сабақ өте алу — білім мен біліктіліктің айғағы. Болашақ педагог ретінде, методикалардың барлығын меңгеріп, игеріп, өз сабақтарымда қолданатыныма сенемін.

Ректордың блогы

ruhani jangyru logo

Видеогалерея

Фотогалерея

logo 3d

 

Пайдалы сілтемелер