joomla

Студенттер қашықтан оқыту туралы

Тараз Инновациялық Гуманитарлық

Университеті, «Білім» факультеті,

«Шет тілі: екі шет тілі» мамандығының

студенті

Ким Татьяна

Пікір

            Мен, Ким Татьяна, оқытушы Таласбаева Мадина Ерқазықызының«Шет тілін арнайы мақсатта оқыту (С1 деңгей)» пәнінің онлайн сабағына қатысқаныма өте қуаныштымын және алғашқы онлайн сабағым туралы алған әсеріммен бөліскім келеді. Сабақ «Zoom» бағдарламасы арқылы жүргізілді, «ИЯ-17-2» және «ШТ17-1» тобының барлық студенттері бірге қатыса алды. Сабақ «6-бөлім: Feelingandemotions», яғни «Сезімдер мен эмоциялар» деген тақырыпта өтті. Пән практикалық сабақ ретінде есептелінетіндіктен, сабақ барысын жоспарлау қиындау болды. Себебі, біз тақтаға шығып, жағдаяттар мен көріністерді көрсетіп, сонымен қатар, өлең айтып үйренгенбіз. Басында мұның барлығын онлайн түрде қалай көрсететінімізді елестете алмадым. Бірақ біздің мұғалім әрқашан өзінің педагогикалық оқыту әдістерімен ерекшеленетін. Бұл жолы онлайн интеллектуалдық ойын ойнадық. Бірнеше бейтаныс сөздердің мағынасын түсіну мақсатында құпия сөздерді белсенді тауып алдық. Тақырыпты талқылап, жаңа сөздермен таныс болғаннан кейін бірнеше үй тапсырмаларын алдық.

            Оқытудың басты құндылығы - тілге деген қызығушылықты сақтау, оның әртүрлілігін және қазіргі өмір жағдайында үнемі жаңарып отыру мүмкіндігін қолдана алу. Біздің мұғалім Таласбаева Мадина Ерқазықызы заманауи, бәсекеге қабілетті педагог ретінде өзін таныта алады. Қиын қыстау кезінде, еш қысылмай сапалы , қызықты сабақ өте алу — білім мен біліктіліктің айғағы. Болашақ педагог ретінде, методикалардың барлығын меңгеріп, игеріп, өз сабақтарымда қолданатыныма сенемін.

ҚАШЫҚТЫҚТАН БІЛІМ БЕРУ

Қашықтықтан білім беру жүйесі - https://dis.tigu.kz/

ҚР Білім және ғылым министрлігінің 14.03.2020 жылғы №108 " Білім беру ұйымдарында, жетім балалар мен ата-анасының қамқорлығынсыз қалған балаларға арналған ұйымдарда пандемия кезеңінде COVID-19 коронавирустық инфекцияның таралуына жол бермеу жөніндегі шараларды күшейту туралы" бұйрығына (бұдан әрі – ҚР БҒМ 14.03.2020 жылғы №108 бұйрығы) сәйкес, 2020 жылғы 16 наурыздан бастап жоғары және жоғары оқу орнынан кейінгі білім беру ұйымдарында оқыту процесі қашықтықтан білім беру технологиясына өтті

Қашықтықтан білім беру порталына Интернет браузердің командалық жолында мына сілтемені https://dis.tigu.kz/ теру арқылы, болмаса университет сайтында http://www.tigu.kz қашықтан оқыту порталы арқылы кіруге болады.
Қашықтықтан оқытуды ұйымдастырудың барлық мәселелері бойынша Call – орталық - This email address is being protected from spambots. You need JavaScript enabled to view it. және 8(7262)54-11-24, 8(7262)50-13-44телефондар арқылы хабарласуға болады.


Техникалық сұрақтар бойынша:
Тулеев Т.Н. – "Ақпараттық - коммуникациялық технологиялар" басқармасының бастығы - " - 87017562596
Садыев С. - "АКТ" басқармасының «Қашықтықтан оқытуды дамыту» секторының жоғары санатты бағдарламашы;

Қашықтықтан оқыту сұрақтар бойынша:
Алтынбекова Ж.Т. – «Қашықтықтан оқыту» факультетінің деканның орынбасары - 87016444081

Академиялық сұрақтар бойынша:
Акимова Д.К. – Оқу-әдістемелік бөлімінің бастығының орынбасары - 87782203076

Жалпы ұымдастыру сұрақтар бойынша:
Тастанбекова К.Н. – «Экономика және құқық» факультетінің деканы -87021071242
Нургабылов М.Н. - «Жаратылыстану» факультетінің деканы - 87015577794
Курманбекова А.С. - «Білім» факультетінің деканы - 87017421324

ҰЛЫ АБАЙҒА АРНАЛҒАН ТАҒЫЛЫМДЫ ШАРА

ҰЛЫ АБАЙҒА АРНАЛҒАН ТАҒЫЛЫМДЫ ШАРА

Абай – қазақ халқының ұлы ақыны, ғұлама, ойшыл, аудармашы, сазгер, жазба әдебиетінің негізін қалаушы ретінде ел тарихында өшпес із қалдырды. Оның шығармаларында, әсіресе, өлеңдері мен қара сөздерінде ұлт болмысы, бітімі, тұрмысы, тіршілігі, дүниетанымы, мінезі, жаны, тілі, ділі, діні, рухы көрініс тауып, кейінгі кезде Абай әлемі деген бірегей құбылыс ретінде бағаланды.
Ұлы Абай Құнанбаев туралы Мемлекет басшысы Қ.К.Тоқаев: «Ең алдымен, Абайды ұлтымыздың мәдени капиталы ретінде насихаттауымыз керек. Өркениетті елдер қазақтың болмыс-бітімін, мәдениеті мен әдебиетін, рухани өресін әлемдік деңгейдегі біртуар перзенттерінің дәрежесімен, танымалдығымен бағалайтынын ұмытпайық. Сондықтан, Абайды жаңа Қазақстанның бренді ретінде әлем жұртшылығына кеңінен таныстыру қажет. Бұл – бүгінгі ұрпақтың қастерлі борышы», - деп атап өткен болатын.
«Әдебиетіміздің негізіне қаланған бірінші кірпіш – Абай сөзі, Абай аты боларға керек. Абайға дейін қазақта қолға алып оқырлық, шын мағынасында қазақ әдебиеті дерлік бір нәрсе болған жоқ еді. Абайдың бізге қымбаттығы сол. Бәлки, одан кейін Абайдан үздік ақындар, жазушылар шыққан шығар, бірақ ең жоғары, ардақты орын Абайдікі, қазақ халқына сәуле беріп, алғашқы атқан жарық жұлдыз – Абай».
Абай есімі - қазақ халқының ұлттық санасының оянуы мен рухани қайта жаңғыруының , қоғамның озық күштерінің өркениеттілікке ұмтылысы мен әлеуметтік әділдіктің символы.
Абай Құнанбаевтың қалдырған өшпес әдеби мұрасы қашан да түн қойнауынан нұр сәулесін шашқандай халқына құрмет етуде. Абай перзенті бар халық – бақытты халық. Өнегелі өнер дегенді айтқанда халқымыздың тарихының биік шыңына шыққан жалғыз дара тау ағашындай Абай есімі ауызға ілінеді. Абайдың мұрасы – қазақтың ең қасиетті қазынасы. Замандар ауысып, дүние дидары өзгерсе де, халқымыздың Абайға деген көңілі айнымайды, қайта уақыт өткен сайын оның ұлылығының тың қырларын ашып, жаңа сырларына қаныға түседі. Абай өзінің туған халқымен мәңгі-бақи бірге жасайды, ғасырлар қалың елін, қазағын биіктерге, асқар асуларға шақыра береді.
Ұлы Абайдың 175 жылдық мерейтойы аясында әдеби-мәдени құндылықтарымызды жаңғырту, ұлтымыздың мақтанышы, ғұлама ойшыл Хакім Абайдың өмірі мен шығармашылығын жастар арасында кеңінен насихаттау мақсатында наурыз айының 11-і күні Тараз инновациялық-гуманитарлық университетінде «Шерхантану» ғылыми-зерттеу орталығының ұйымдастыруымен Қазақ әдебиеті мен өнерінің тарихында оқшау тұрған ұлы тұлға, Қазақтың бас ақыны Абай Құнанбайұлының 175 жылдық мерейтойына орай тәуелсіз ел руханиятындағы кемеңгер ақын шығармашылығының маңызын зерделеу, егемен еліміздің әдебиеті мен мәдениетіне үлес қосу және Мемлекет басшысы Қ.К.Тоқаевтың «Абай және ХХІ ғасырдағы Қазақстан» атты мақаласын насихаттау мақсатында «Абай тағылымы» атты облыстық фестиваль өтті.
Фестивальдің мақсаты - ел ертеңі өскелең ұрпақты ұлтымыздың ұлы ақыны Абай Құнанбайұлының шығармалары арқылы саналы етіп тәрбиелеу. Абайдың ақындық мектебі, поэзиясындағы дәстүр мен жаңашылдық ұғымының мәні мен маңызын таныту.
Ақынның көркем-әдеби туындыларындағы рухани құндылықтарды үміткерлердің бойына дарыту. Жастардың шығармашылық өсуін қолдау және ынталандыру, талантты да талапты жастарды өнерге баулу болып табылады. Сонымен қатар, ұстаздардың шығармашылық қабілетін арттыру.
Фестивальді университеттің бірінші проректоры, тарих ғылымдарының докторы, профессор Асқар Бегәділұлы Абдуалы ашып, үміткерлерге сәттілік тіледі.
Байқауға облысымыздың ЖОО, колледж студенттері, мектептің 9,10,11 сынып оқушылары қатысты. Байқау төрт бағытқа топтастырылып, өткізілді.
1-бағыт талабы - еркін форматта Абайдың қарасөздерінен, өлеңдерінен, жалпы шығармашылығынан Абай бейнесін танытатын сахналық қойылым қою;
2-бағыт талабы - Абай қарасөздерін жатқа оқу. Бұл бағыт бойынша үміткер ақын қарасөздерін жатқа, мәнерлеп оқуы тиіс.
3-бағыт талабы - «Абай – жаңа қоғамның жанашыры» тақырыбында эссе жазу байқауы. Бұл бағыт талабы бойынша үміткерлер жазған эссе Абайдың ақындық, қаламгерлік, философиялық, қайраткерлік болмысы, т.б. қырлары мен шығармашылық сырларын жан-жақты ашуы тиіс. Эссе қазақ, орыс, ағылшын тілдерінде жазылды.
4-бағыт талабы - Ақын өмірі мен шығармашылығына байланысты ашық сабақтар мен сыныптан тыс сағаттардың жоспарлары жинақталған.
Әр бағыт бойынша тағайындалған әділқазылар алқасы шешім шығарып, жеңімпаздарды анықтады. 1-бағыт бойынша ҚР Еңбек сіңірген әртісі, ҚР Мәдениет қайраткері, әнші-композитор Әбиірбек Тінәлі төрағалық, ТИГУ «Рухани жаңғыру» орталығының жетекшісі Бақтияр Арманұлы Бекназаров қазылық жүргізді. 2-бағыт бойынша төрайым, Ақпараттық кітапхана орталығының директоры Өзбекова Амангүл Андабаевна, «Тәрбие жұмыстары» бөлімінің бастығы Роза Назарқызы Нуркина; ТИГУ Ректор аппаратының жетекшісі, филология магистрі Нұрбеков Талғат Балтабекұлы; 3-бағыт бойынша төрайым филология ғылымдарының кандидаты, доцент Тамабаева Қаракөз Өмірзаққызы; ТИГУ «Жастар айдыны» газетінің редакторы Әбдіманапова Мереке Бақбергенқызы; филология ғылымдарының кандидаты, доцент Меңдібай Әбілұлы; 4-бағыт бойынша төрайым «Мектепке дейінгі және бастауыш оқыту» кафедрасының меңгерушісі, педагогика ғылымдарының кандидаты, доцент Елубаева Рахат Сайлаубекқызы; «Мектепке дейінгі және бастауыш оқыту» кафедрасының аға оқытушысы Фатикова Назипа Агламқызы.
Әділқазылар шешімі бойынша орындар былай берілді:
1-бағыт бойынша:
1 орын Т.Рысқұлов ауданы, Ә.Бөкейханов атындағы мектеп оқушылары.
2 орын Биболат Ернұр, ТИИК колледж студенттері.
Тараз қаласы, №5 мектеп оқушылары.
3 орын Тараз қаласы, №26 мектеп оқушылары.
Талас ауданы, Д.Қонаев атындағы мектеп оқушылары.
Тараз қаласы, №29 мектеп оқушылары.

2-бағыт бойынша:
1 орын Шырынбек Шерхан, Тараз қ., №56 мектеп оқушысы.
2 орын Болат Арай, Талас ауд, Ойық ауылы, Б.Әлменұлы атындағы мектеп оқушысы.
Затыбек Аяжан, Жуалы ауданы, №17 мектеп оқушысы.
3 орын Бұхарбай Аслан, Тараз қ., №47 орта мектеп оқушысы.
Насырова Раушан, Жуалы ауданы, №1 мектеп-гимназия оқушысы.
Аясхан Бегімай, Тараз қ., № 15 мектеп-гимназия оқушысы.

3-бағыт бойынша:
1 орын Таңжарықова Ақмөлдір, Тараз мемлекеттік педагогикалық университетінің студенті.
2 орын Елшан Аяулым, Тараз қ., №11 орта мектеп оқушысы.
Асамбай Жалғас, Тараз қ., Б.Момышұлы ат. №45 қазақ классикалық гимназия оқушысы.
3 орын Бейсембек Батырхан, Тараз қ., Керімбай атындағы №12 мектеп-гимназия оқушысы.
Сыздыкова Жұлдызай, Тараз қ., №39 мектеп-гимназия оқушысы.
Мұхаметілда Аружан, Тараз қ., №15 мектеп-гимназия оқушысы.
Оңалбек Арайлым, Тараз қ., №47 орта мектеп оқушысы.
Асқар Аяжан, Жаулы ауданы, №19 Қонаев атындағы мектеп оқушысы.

4-бағыт бойынша:
1 орын Қасымова Раушан, Тараз қ,. №39 мектеп-гимназия мұғалімі.
2 орын Сейтбекова Меруерт, Тараз қ., Қ.Тұрысов ат. №53 мектеп-гимназия мұғалімі.
Маталиева Аида, Тараз қ., №45 мектеп-гимназия мұғалімі.

3 орын Ильясова Рахима, Шу қаласы, С.Сейфуллин атындағы орта мектеп мұғалімі.
Сейдуалиева Асель, Тараз қ., Абай атындағы Жамбыл гуманитарлық колледжінің мұғалімі.
Жанысбаева Перизат, Жуалы ауданы, №17 Ы.Алтынсарин атындағы орта мектеп мұғалімі.
Қуатова Ұлжан, Тараз қ., №12 мектеп-гимназия мұғалімі.
Жеңімпаздар арнайы дипломдармен, алғыс хаттармен, бағалы сыйлықтармен марапатталды.

Корея мәдени фестивалі

2019 жылдың 21-22 жұлдызында Тараз инновациялық-гуманитарлық университетінің қабырғасында корей ұлтының мәдениетіне арналған фестиваль өтті. Аталмыш іс-шара Алматы қаласындағы Корея мемлекетінің Бас Консулдығымен бірлесіп жасалған болатын.
Серіктес ЖООнан, мектептерден студенттер мен оқушылар қатысты. Барлық қатысушыларға сертификаттар мен ақшалай сыйлықтарды Алматы қаласындағы Корея мемлекетінің Бас Консулы Ким Хынг Су мырза мен вице-консул Ли Джун Хо мырза, экономика және мәдениет саласындағы маман Чан Пен Хва мырза.
Барлығының сүйікті тобы MADNESS өз өнерін көрсетіп, көз айым болды, ал «Томирис» би мектебінің қыздары мың бұралып таң қалдырды. Қонақтар да құр қол қалмады, викториналар өткізіліп сыйлықтарға ие болды.

Нәтижелері төмендегідей:

[Шешендік өнер]

-Гран-при : Пиржанова Айсулу/ ТарГПУ, 4 курс студенті
-1-орын : Турсунбаева Жулдызай/ТИГУ, 3 курс студенті
- 2-орын : Югай Екатерина /ТИГУ, 1 курс студенті
- 3-орын : Пак Константин/ 40 мектеп, 7 сынып оқушысы

[К-поп сайысы]

 Би ;
- Гран-при : "Jitae" спорттық клубы

- 1 орын : Сейдилдаева Толганай, Серикбай Айсулу,   Кенес Алиман, Диханбаева Асылзат, Далабай Аружан, Кожанова Айгерим / ТИГУ, 4 курс студенттері
- 2-орын : Есмурат Аружан, Картайган Акбота, Сандыбаева Аружан, Мейркул Улбосын / ТИГУ, 2 курс студенті
- 3-орын : Самат Сабина, Каржау Жанель, Есиркен Акзер, Касым Аяулым, Камбарова Нурай, Есетова Дайана / 8 мектеп, 9 сынып оқушысы

[К-поп сайысы : ән ]

- 1-орын  : Кудайберген Саадат, Исмаил Гаухар/ ТИГУ, 2 курс студенттері
- 2-орын : Жабарова Дильназ, Толеген Фатима, Бакытжан Аружан / ТарГПУ, 1 курс студенттері
- 3- орын : Ягубова Миновар (31 школа 11 класс), Вон Екатерина (31 школа 11 класс), Ким Вероника (40 мектеп 11 сынып)

ТИГУ ректоры Ерболат Байұзақұлы Саурыықов мырзаға, Алматы қаласындағы Корея мемлекетінің Бас Консулы Ким Хынг Су мырзаға, «Томирис» би мектебінің жетекшісі Тен Ирина Иннокентьевна ханымға сонымен қатар барлық қатысушыларға, атсалысқан адамдарға алғыс айтқымыз келеді.

Бос жұмыс орындар жәрмеңкесі

БИЫЛ 860 ТҮЛЕК УНИВЕРСИТЕТ БІТІРГЕЛІ ОТЫР

Университеттің бітіруші курс студенттеріне арналған «Жас түлек-2020» бос жұмыс орындар жәрмеңкесі өтті. Іс-шараға Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасының, Жамбыл облыстық әкімдігінің білім басқармасының, Тараз қалалық әкімдігінің жұмыспен қамту орталығының, Жамбыл облысы бойынша «Атамекен» кәсіпкерлік ұлттық палатасының, Жамбыл облысы жастар саясаты мәселелері басқармасының басшылары және 45-тен аса мекеме өкілдері қатысты.

Биыл университетті 860 түлек бітіргелі отыр. Сан түрлі мамандық иелері атанатын студенттерді жұмыспен қамту жүйесі университетте дұрыс жолға қойылған. Университетте жылына дәстүрлі түрде бір рет бос орындар жәрмеңкесі ұйымдастырылып, оған өңірдегі көптеген мекемелер мен ұйым өкілдері шақырылады. Бірқатарымен нақты келісімдер де бар. Бүгінгі таңда 10 жылдық тарихы бар оқу орнының түлектері еліміздің әр аймақтарында жемісті жұмыс жасауда.
Университетте білім алып жатқан 3000-ға жуық білімгердің басты арманы жақсы жұмысқа орналасу екендігі анық. Ол үшін қандай мекемеге қалай орналасу керектігін жетік меңгеруі тиіс. Тараз қалалық әкімдігінің жұмыспен қамту орталығының жастар практикасы бойынша жауапты маман Алимбаева Айман Сейтқазиевна жастарға жұмысқа орналасудың жолы мен тәртібін түсіндірсе, Жамбыл облысы бойынша Ішкі істер департаментінің кадр саясат жұмыстар бөлімінің бастығы Ракишев Қанат Дуйсеналиевич орган қызметінде атқаратын тірліктермен таныстырды. Сонымен қатар, Облысымыздың ірі кәсіпорынның бірі ЖШС «Казфосфат» зауытының орталық техникалық бақылау бөлімінің бастығы Байкенжеева Дильборам Қуанышқызыда өз баяндамасын жасап студенттерді қызықтырып жұмысқа шақыратындығын туралы айтып жеткізді. Экономикалық мамандықтарға келсек, АҚ «БанкЦентрКредит» Тараз филиалының директоры Иптильдаев Бекдауыл Турдагуловичте осы уақытқа дейін бес жыл ішінде университетіміздің 13 түлегі банкте қызмет атқаратындығын айтып қандай маман, қанша маман жетіспейтіндігі жөніде ақпар айтып, жұмысқа орналасқанға дейін университетте оқу барысында тәжірибе жинақтау туралы түсіндіріп өтті.
Жиынды ашып, жүргізіп отырған университет ректорының кеңесшісі, академик Жүсіпбек Тәшірбайұлы Сүлейменов университете білікті мамандар дайындауда барлық мүмкіндіктер жасалып жатқанын айтты. Теориялық білімді практика жүзінде іске асыру үшін қажетті мекемелермен өзара келісім шарттар жасалды, тағы да айтып кететін жәй, қаланың № 53 орта мектебімен, Байзақ ауданы, Сарыкемер орта мектебімен арнайы жоба жасалынуда, жобаның мақсаты университет оқытушылары мен мектеп мұғалімдері өзара тәжірибе алмасып, ғылыми- әдістемелік жұмыстар жағынан байланыстар орнатылады деп те айтып өтті.

Бос жұмыс орындар жәрменкесі қатысушыларға өздерін қызықтыратын бос орындар туралы мәлімет алуға, ал, жұмыс берушілерге үміткерлердің іскерлік қасиеттерін бағалап, жас мамандарды тартуға университеттің Бірінші проректоры, тар.ғ.д., профессор А.Б.Абдуалы мырзада қысқаша университет туралы, жұмыс берушілермен студенттер арасындағы байланыстар туралы мағлұматтарын баяндап өтті. Ол өз сөзінде ТИГУ түлектері бүгінде түрлі салада жемісті еңбек етіп, оқу ордасының беделін арттырып жатқандығын тілге тиек етті. Сонымен қатар, жұмыс берушілермен үнемі байланыста және университетті бітірген мамандар оларды толық қанағаттандырып отырғанын айтты. ТИГУ бәсекеге қабілетті әрі сапалы білім, саналы тәрбие бере алатын іргелі оқу орнына айналғанын айтқан проректор алдағы уақыттада университет даму қарқынын арттыратынын жеткізді.
Жиын соңында университет бітіргелі отырған студенттер жұмыс беруші мекеме өкілдерімен жеке сұхбаттар жасап, мол мәлімет алды.

 

Ректордың блогы

ruhani jangyru logo

 

 

Видеогалерея

Фотогалерея

logo 3d

 

 

Пайдалы сілтемелер