МЕКТЕПТЕРДЕ ӨТКЕН ШОЛУ ДӘРІСТЕРІ
Венгрияда ректорлар форумы өтті
Канадалық профессор ТИГУ-де сабақ береді
joomla

АРУ ҚЫЗ 2018

  АРУ ҚЫЗ -2018

    Тараз инновациялық-гуманитарлық университетінің 10 жылдық мерейтойы аясында «Ару қыз – 2018» сұлулық байқауы өткізілді. «Ару қыз-2018» сұлулық байқауына 8 ару қызымыз қатысып бақтарын сынады. Олар:
    Тилешова Маржан Болысбекқызы "Биология" мамандығының 1 курс студенті
    Несіпбай Құралай Жанғалиқызы "Биология" мамандығының 1 курс студенті
    Арайлым Мұратәліқызы   "Бастапқы оқыту педагогикасының әдістемесі" мамандығының 1 курс студенті
     Шайділда Гүлназ Талғатқызы     "Стандарттау, сертификаттау" мамандығының 1 курс студенті
    Әбдімаш Ақнұр Бақытбекқызы    "Биология" мамандығының 1 курс студенті
    Сақтағанова Аружан Нұртуғанқызы    "Құқықтану" мамандығының 1 курс студенті
    Мадина Құдайбергенқызы     "Қазақ тілі және әдебиеті" мамандығының 1 курс студенті
    Жанысбаева Асем Әбілқасымқызы    "Шет тілі" мамандығының 1 курс студенті
     Байқау барысында ару қыздарымыз келесідей талаптарды орындады: «Мен қазақтың қызымын» сәлемдесу рәсімі; «Өнерліге өріс кең» - өнер сайысы; «Ажарлы, сұлу ғажап тым..» - кешкі сән үлгісін көрсету; «Зерделінің ойы озық» - танымдық сайысы. Байқау қорытындысы бойынша барлық үміткер аруларымыз университет ректорының дипломымен, алғыс хаттарымен және қаржылай марапатталды. Жеңімпаз аруға тәжді кигізу құрметі Тәрбие және стратегиялық даму жөніндегі  проректор    Әшірбеков Санат Сағынбекұлын және «Ару қыз – 2017»  байқауының жеңімпазы Есенова Інжу Берікқызына бұйырды. 2018 жылдың "ТИГУ АРУЫ" Жанысбаева Әсем атанды. I дәрежелі диплом иегері Сақтағанова Аружан,  IІ дәрежелі дипломды  Шайділда Гүлназ иеленсе ІІІ дәрежелі диплом Құдайберген Мадинаға бұйырды.

ХАЛЫҚАРАЛЫҚ СЕМИНАР

ХАЛЫҚАРАЛЫҚ СЕМИНАР

    Наурыз айының 2 жұлдызында Тараз инновациялық-гуманитарлық университетінде ТИГУ ректор кеңесшісі, профессор, т.ғ.д. ҚР ҰҒА Академигі Сулейменов Ж.Т. және «Қаржы және есеп» кафедрасының меңгерушісі, профессор, э.ғ.д. Тажибаев С.Д. бастауымен «Еуразиялық экономикалық одақ жағдайында бухгалтерлік есеп, аудит және қаржы жүйелерін шоғырландыру мәселелері» атты халықаралық семинар өз жұмысын бастады. Семинар жұмысына қатысушылар:
    - М.Рысқұлбеков атындағы Қырғыз экономикалық университетінің «Қаржы, есеп және контроллинг» институтының директоры, профессор, э.ғ.д. Ишенов Б.Ч.;
    - Ж.Баласағұн атындағы Қырғыз Ұлттық университетінің «Бухгалтерлік есеп, талдау және аудит» кафедрасының меңгерушісі, профессор, э.ғ.д. Ботабеков А.Б.;
    - Ташкент мемлекеттік экономикалық университетінің «Мемлекеттік қаржы және салықтар» кафедрасының меңгерушісі, профессор, э.ғ.д. Жуманов А.М.;
    - Қазақ инженерлік-педагогикалық Халықтар достығы университетінің проректоры, профессор, э.ғ.д. Ниязов Т.Ж.;
    - М.Ауезов атындағы ОҚМУ «Бизнес және басқару» факультетінің деканы, доцент, э.ғ.к. Сейдахметов М.К.;
    - М.Х.Дулати атындағы «Экономика және бизнес» факультетінің деканы, доцент, э.ғ.к. Қожабеков С.С.
    Семинар жұмысынан кейін академиялық ұтқырлық аясында экономика, қаржы, есеп және аудит мамандықтарына лекциялар оқытылады.

02 0302 03 01

ЖҮЗ ЖЫЛ ЖЫРЛАҒАН ЖҮРЕК

ЖҮЗ ЖЫЛ ЖЫРЛАҒАН ЖҮРЕК

     2018 жылдың 27-ақпанында Тараз инновациялық-гуманитарлық университетінде «Филология» кафедрасының ұйымдастыруымен Елбасымыздың «Болашаққа бағдар: рухани жаңғыру» бағдарламасы аясында жүз жыл жырлаған жүрек атанған абыз ақын Ж.Жабаевтың 172 жылдығына арналған әдеби кеш өтті. Кеш барысында рухани жаңғырудың басты кілті – ұлттық кодымызды сақтау екендігін жете ұғынған студенттер бүгінгі әдебиет сүйер қауымға Жамбыл жолын насихаттап, жүз жасаған абыз баба дәстүрін дәріптеу мақсатын ұстанды. Әдеби кеш мазмұны ғасырға жуық ұзақ ғұмырында екі дәуірдің, көптеген әлеуметтік дүмпулердің куәсі болған, ұлттық руханиятымызда өзіндік өрнек салып, жыр алыбы атанған Ж.Жабаевтың шығармашылығын кеңінен зерделеу – ұрпақ еншісінде екендігін түйсіндіруге арналды. Кеш барысында «Қазақ тілі мен әдебиеті», «Филология» мамандықтарының студенттері мазмұнды баяндама оқып, жүрекжарды арнауларын арнады. Сонымен қатар, Жамбыл атаның айтыскерлігін дәстүр етіп ұстанып жүрген жас айтыскер ақындар Мырзатай Медеу мен Көшербай Айым кешегі Жамбыл мен Айкүмістің айтысын жаңаша өрнектерімен таныта білді. Кеш әрбір жанның патриоттық сезімін қуаттандыратын «Жаса, жаса, қазағым» әнімен қорытындыланды.

IMG 20180227 WA0035IMG 20180227 WA003

1 НАУРЫЗ - АЛҒЫС АЙТУ КҮНІ

0103181 НАУРЫЗ - АЛҒЫС АЙТУ КҮНІ

     Алғыс айту күні – күрделі заманда иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күн.
      Президент Алғыс айту күні туралы: «Қазақстан халқы ассамблеясы құрылған күн – 1 наурызды жыл сайын Барлық этностардың бір біріне және мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Ол күн бізді бұрынғыдан да гөрі жақындастыра түспек. Бұл күн мейірімділіктің, бүкіл қазақстандықтардың бір біріне деген достығы мен махаббатының жарқын мерекесі бола алар еді», – деген болатын.
    «Білім» факультетінің белсенді студенттер жастары  Қазақстан Республикасының тұрғындарын  және  Тараз иннновациялық-гуманитарлық университеті  профессор-оқытушылар құрамына мен білім алып жатқан студенттеріне өздерінің  жылы лебіздері мен алғыс сөздерін өлең жолдарымен жеткізді!

Ғылым-білім тұнып тұрған бойына,
Сөз жетпейтін ақылы мен ойына.
Профессор қауымына мың алғыс,
Бұл ордадан орын алған ойыма!

Венгрияда ректорлар форумы өтті

Венгрияда ректорлар форумы өттіIMG 20180228 WA0001

      28 ақпан күні Венгрия астанасы Будапешт қаласында академиялық ұтқырлық және профессор-оқытушылар құрамының біліктілігін арттыру мақсатында Венгрия-Қазақстан ректорларының форумы өтті. Алқалы жиынға ТИГУ ректоры Ерболат Саурықов та қатысып, Мажар елінің Сигизмунд корольдігі, Будапешт теxнология және экономикалық университеттерімен өзара әріптестік байланыс туралы меморандумға қол қойды.

ТИГУ баспасөз орталығы

IMG 20180228 WA0002IMG 20180228 WA00032018 02 28 19 17 14IMG 20180228 WA0009IMG 20180228 WA0004

Ректордың блогы

Тараз инновациялық-гуманитарлық университетінің 10 жылдығына арналған іс-шаралар жоспары

logotip

logopromishrevol kaz

Фотогалерея

logo 3d