joomla

Жобаны бір кісідей қолдады

                                                                     Жобаны бір кісідей қолдадыO47A9254     2018 жылғы 5 қазандағы Қазақстан Республикасының Президенті Н.Назарбаевтың «Қазақстандықтардың әл-ауқатының өсуі:  табыс пен тұрмыс сапасын арттыру» атты Қазақстан халқына кезекті Жолдауын Тараз инновациялық-гуманитарлық университетінің профессор-оқытушы құрамы мен қызметкерлері және студенттері теледидардан  тыңдады.
    Жолдауда халқымыздың әл-ауқатын жақсылауға, тұрмысын жоғары деңгейге көтеруге, олардың өмір сүру сұранысына бейімделген мемлекеттік аппарат, сыртқы саясаттағы тиімділік және осы үдерістерге азаматтардың атсалысуы бойынша  алты бөлімнен тұратын мәселелер қамтылды:
І. Халық табысының өсуі
II. Тұрмыс сапасын арттыру
III. Өмір сүруге жайлы орта қалыптастыру
IV. Азаматтар сұранысына бейімделген мемлекеттік аппарат
V. Тиімді сыртқы саясат
VІ. Әрбір қазақстандықтың еліміздегі өзгерістер үдерістеріне атсалысуы.
    Мемлекетімізде саяси-әлеуметтік тұрақтылықты нығайтатын Жолдаудағы бұл тараулар халық көңілінен шығып, болашаққа биіктерден қарауына мүмкіндік береді. Алты бөлімнен тұратын Жолдаудағы көтерілген бағыттар бойынша нақтылы көрсетпелер берілді.   
«Тұрмыс сапасын арттыру» деп аталатын бөлім 8 бағыттан тұрады.O47A9248     Бірінші бағытта 5 жыл ішінде білім, ғылым, денсаулық салаларын жетілдіру бойынша халыққа қызмет көрсету сапасын арттыра отырып, көтерілген реформалардың қоғамнан орын тебуіне нақты бағыттарды атап көрсеткен.
    Екінші бағытта мектепке дейінгі білім беру сапасын түбегейлі жақсарту үшін білім беру ісінде 4К моделін іске асыру туралы нақты шаралар көрсетіледі. Жолдауда мұндай шаралардың іске асуы үшін Білім және ғылым министрлігі еліміздің аймақтарындағы әкімдермен бірігіп, «Жол картасын» әзірлеу қажеттігін атап көрсетеді.
     Үшінші бағытта осы шараларға қажетті 50 миллиард теңгені Үкімет бюджетінен жұмсау қажеттігі айтылды.
   Төртінші бағытта 2019-жылы «Педагог мәртебесі туралы» заң қабылданатынын атап көрсетті. Мұның өзі халықтың қаймағы болған мұғалімдердің мәртебесін арттыра отырып, мектептегі білімді  реформалаудың қорытынды кезең екенін атап көрсетті.
    Бесінші бағытта жоғары білім беру ісінде жоғары оқу орындарының қазіргі заман талабына сай білім беру қажеттілігіне баса назар аударды, Назарбаев Университетінің үлгісімен өңірлік жаңа оқу орындары қажет екенін айтты.
     Алтыншы бағыт бойынша  халыққа медициналық қызмет көрсетуді жақсылаудың  заманауи талабына тоқтала отырып ауылдық жерлерде  медициналық-санитарлық көмек көрсетудің тиімді жолдарына тоқталды. Осы мақсатта 2019-жылы Үкімет тарапынан 5 миллиард теңге бөлінетінін хабарлады.
    Жетінші бағыт бойынша бұқаралық спорт пен дене шынықтырудың қолжетімділігін арттыру бойынша бірқатар түйінді мәселелердің оңтайлы шешілуіне арнап өз ойын білдірді.
    Сегізінші бағыт бойынша ұлт саулығына, қазақстандықтарды сапалы азық-түліктермен қамтамасыз ету үшін азық-түлікке, дәрі-дәрмекке, ауыз суға, балалар тұтынатын тауарлардың сапалы болуына, медициналық қызмет көрсетудің  сапасын жақсылау бойынша қомақты мәселелерді атап көрсетті.
    Жолдауды профессор-оқытушылар, қызметкерлер, білімгерлер қол соғып тұрып қолдады.

    Медиа-имидж және баспаханa бөлімі

Білімнің берекелі ұстаздары

image 05 10 18 02 19 2

    Күні кеше ғана Тараз инновациялық-гуманитарлық университетінде «Білім» факультетінің білімді, белсенді, жалынды жастарының «Ұстаздар күні» мерекесіне орай арнайы іс-шарасы ұйымдастырылды. Арайлы таңның атысымен белсенді жастар профессор-оқытушылар қауымын университет алдынан әсем безендірілген дәліз арқылы күтіп алып, ұстаздарымызға ерекше көңіл-күй сыйлады. Студенттік декан– Байғазиев Асылбек Нәсіпқалиұлы бастаған факультет жастарының ұстаздарға деген тосын сыйлары мұнымен шектеліп қалған жоқ.

image 05 10 18 02 18 1     «Білім» факультетінің тапқыр жастары факультет деканы – Құрманбекова Айгүл Сауқымбекқызын  құттықтауды да назардан тыс қалдырмай, деканның жеке жұмыс орнын әсем шарлармен безендіріп, әрлеп, арнайы гүл шоқтары мен сыйлықтар табыс етті. Сондай-ақ, өнері өрге жүзген «Білімнің» өнерпаздары – факультет дәлізінде ұстаздарға арнап шағын мерекелік ән-шашу ұйымдастырып, ұстаздарды төл мерекесімен құттықтады. Мерекелік іс-шарадан соң, белсенді жастар университет алдында ұстаздармен естелік суреттерге түсті.  Білім факультетінің барша ұстаздары шағын мерекелік іс-шарадан соң, белсенді білімгерлерге өздерінің алғыстарын жаудырды.

                                    Мұхамбет Аружан
            «Білім» факультеті студенттік деканының хатшысы

image 05 10 18 02 18 2image 05 10 18 02 18 4image 05 10 18 02 19 1

Қарттарым – асыл қазынам

ҚАРТТАРЫМ – АСЫЛ ҚАЗЫНАМkarttar kuni 6

     «Қарты бар үйдің – қазынасы бар». Осындай қанатты сөзді жанына медеу тұтқан «Білім» факультетінің белсенді студенттері «1 қазан – Халықаралық қарттар күні» мерекесі қарсаңында қалалық «№2 арнаулы әлеуметтік қызметтер ұсыну орталығы» КММ-не ақ жаулықты әжелеріміз бен ақ сақалды қарияларымызды мерекелерімен құттықтауға барған болатын. karttar kuni 2    Жастардың қарттар үйіне барудағы мақсаты – өздері дайындаған шағын концерттік бағдарлама арқылы қарттардың көңілдерін көтеріп, олардың құрметке лайық екендігін көрсете отырып, сол кісілердің ақ батасын алып қайту болатын. Концерт барысында жырдан шашу шашылып, күй орындалып, би биленді. Сондай-ақ, бірқатар қарияларға сыйлықтар ұсынылып, белсенді жастар қарттарымызбен естелік суретке түсті.
     Қазыналы қарттарымызды сыйлап, ол кісілерге әрқашан да құрмет көрсетейік!

Байғазиев Асылбек
            «Білім» факультеті студенттік деканы

karttar kuni 1karttar kuni 3karttar kuni 4karttar kuni 5karttar kuni 7

Ұстаздар мерекесі атап өтілді

Ұстаздар мерекесі атап өтілді

      Ұстаздар мерекесі қарсаңында Тараз инновациялық- гуманитарлық университетінің қоғамдық жұмыстарына өз үлестерін қосып келе жатқан белсенді студенттердің ұйымдастыруымен   мерекелік іс-шара болып өтті. Құрметті қонақтар ретінде шәкірттерін білім нәрімен сусыңдатып, тәлім-тәрбие беріп келе жатқан профессор-оқытушылар құрамы болды.
       Мерекелік жиын университет жанынан құрылған ұлт аспаптар оркестірінің орындауындағы Құрманғазының «Балбырауын» күйімен ашылды.

021018 1021018 2

      Университет ректоры, филология ғылымдарының докторы, профессор Саурықов Ерболат Байұзақұлы профессор-оқытушылар құрамын төл мерекелерімен құттықтады. Университет ректоры тарапынан бірнеше қызметкерлерге тәрбие саласында және қоғамдық жұмыстардағы белсенді еңбектерін  ескере отырып арнайы құрмет грамоталарымен және алғыс хаттарымен марапатталды.

021018021018 2
     Сондай-ақ, «Тараз инновациялық-гуманитарлық университетінің 10 жылдық мерей тойына» және «Ұстаздар күні» мерекесіне орай ұйымдастырылған профессор-оқытушылар құрамы мен қызметкерлер арасында кіші-футболдан өткен турнирдің жеңімпаздары да марапатталды.

021018 6
      Жиын барысында, студенттердің орындауындағы әдеби композиция өте әсерлі шықты. Университетіміздің «Ақ кербез» бишілер тобының орындауында «Қазақ биі» көпшілікті тәнті етті.
     Қызметкерлер мен студенттердің орындауында Аманжол Шәмкеновтің  сөзіне жазылған Әбілахат Еспаевтің «Ұстазым менің, ұстазым» әнімен салтанатты жиынды қорытындылады.


    Баспасөз хатшысы Қазжанов Ғалым

021018 7021018 8021018 9021018 10

 
 

Кіші-футбол турнирі

O47A8888     «Тараз инновациялық-гуманитарлық университетінің 10 жылдық мерей тойына» және  «Ұстаздар күні»  мерекесіне арналған «Спорттық-бұқаралық жұмыстар» орталығы ұйымдастыруымен  профессор-оқытушылар құрамы мен қызметкерлер арасында кіші-футболдан турнирі.
Жарыста 6 команда қатысты. Жарыс қорытындысы:

I ОРЫН – ТИГУ KZ
II ОРЫН – БАСПАХАНА
III ОРЫН – БІЛІМ

    Жарыс үздіктері:

ҮЗДІК ОЙЫНШЫ– Урстемов Ерик - БІЛІМ
ҮЗДІК ҚАҚПАШЫ  – Батенов Жарбол - БАСПАХАНА
ҮЗДІК ҚОРҒАУШЫ – Әбдібеков Қайнар - ЖАРАТЫЛЫСТАНУ
ҮЗДІК ШАБУЫЛШЫ – Бекназаров Бахтияр – ТИГУ КЗ

O47A8842O47A8861O47A8913O47A8931

Ректордың блогы

logo10let

logopromishrevol kaz

ruhani jangyru logo

Видеогалерея

Фотогалерея

logo 3d