«10 ЛИТР ҚАН ӨТКІЗУ» донорлық акциясы басталды
«10 ЛИТР ҚАН ӨТКІЗУ» донорлық акциясы басталды
Тараз инновациялық-гуманитарлық университетінің 10 жылдығына арналған мерейтойлық іс-шаралар аясында, «10 қайырылымдық іс» бағыты бойынша, 23-сәуір күні Тараз қаласындағы «Қан өткізу станциясымен» келісе отырып, профессор-оқытушы құрамы және студенттердің қолдауымен «10 литр қан өткізу» донорлық акциясы өтілді. Аталмыш шараға қатысқан барлық қан тапсыруға ниет еткен адамдарды дәрігерлік сараптамадан өткізгеннен кейін ғана, дәрігердің рұқсаты бойынша арнайы мамандар қан алды.
Шараға ниет еткендердің ішінде 29 адам қан тапсыруға дәрігерден рұқсат алып, жалпы 13 литр 500 грамм қан өткізді.
Тараз қаласындағы «Қан өткізу станциясы» мамандары университет әкімшілігіне өз ризашылықтарын білдіріп, келешекте осындай қайырылымдық істердің жалғасын тауып, еліміздегі қан тапшылығын болдырмауға қосқан үлестері үшін үлкен алғыс айтты.
«Медиа және имидждік технологиялар» бөлімі
ЖҮЙРІК МАТЕМАТИКТЕР АНЫҚТАЛДЫ
ЖҮЙРІК МАТЕМАТИКТЕР АНЫҚТАЛДЫ
Тараз инновациялық-гуманитарлық университетінің «Жаратылыстану мамандықтар» кафедрасының ұйымдастыруымен 2018 жылдың сәуір айының 18-күні мектеп бітіруші түлектер арасында облыстық математикалық олимпиада өткізілді. Олимпиадаға облыс мектептерінен жалпы 112 оқушы қатысты.
Математикалық олимпиада мақсаты – 2018 жылы мектеп бітірушілердің арасынан математикаға жүйрік талантты жастарды анықтау, іріктеу және оларға бағыт-бағдар беру, математика және математикадан іргелі дайындықты қажет ететін мамандықтарына тарту.
Олимпиаданы университеттің "Жаратылыстану мамандықтар" кафедрасының оқытушылар ұжымынан құрылған қазылар алқасы жүргізді. Әділ қазылар алқасының төрағасы – ф-м.ғ.д., профессор Ш.Мамаев, төрағаның орынбасары ф.-м.ғ.к., доцент И.А.Абитбеков, мүшелері ф.-м.ғ.к., доцент Ж.Жүсіпов, аға оқытушы, магистр Д.У.Кенжебеков, аға оқытушы, магистр А.М.Дунбаева, оқытушы Қ. Абдибекоы, хатшысы – Ш.Алдаберген.
Математикалық олимпиаданың жүлдегерлері үшін бірінші орын алған мектеп бітіруші ТИГУ-нің ректор грантының иегері болады, олимпиадада екінші және үшінші орын алғандарға сәйкесінше 50% және 25%-дық жеңілдіктер беріледі, одан кейінгі курстарда төлемақы жөніндегі жеңілдіктер білімгерлердің оқу үлгеріміне байланысты болады. Үздік оқыған жағдайда бастапқы жеңілдіктер университет бітіргенше сақталынады.
Олимпиада қорытындысы бойынша келесі жүлделі орындар иегерлері анықталды:
1-орын Айтуған Биназир - № 56 орта мектеп
2-орын Нұрмағамбет Есдаулет - № 36 орта мектеп
3-орын Құрманалы Назерке - № 49 орта мектеп
Сапалы білім көрсеткен оқушылар мақтау грамоталарымен және заттай сыйлықтармен марапатталды.
"Жаратылыстану мамандықтар" кафедрасы
ҚАЛАЙ ИНВЕСТОР БОЛУҒА БОЛАДЫ? ШЕБЕРЛІК-КЛАСЫ
ҚАЛАЙ ИНВЕСТОР БОЛУҒА БОЛАДЫ?
ШЕБЕРЛІК-КЛАСЫ
2018 жылдың 20-сәуір күні сағат 10:00-да Тараз инновациялық-гуманитарлық университетінің акт залында профессор-оқытушылар құрамы және студенттердің қатысуымен «Қалай инвестор болуға болады?» тақырыбында шеберлік класы өтті. Бұл шеберлік класын жүргізген - Сауда операциялар Департаментінің директоры және «Фридом Финанс» ИК негізін қалаушы Игорь Клюшнев.
Ол инвестор болудың алғы шарттарын түсіндіре келе, әрі қарай бұл мәселені толық түсіну үшін бір сағаттық шеберлік класының аздық ететінін тілге тиек етті. Сол үшін келешекте бұл тақырыпты толық қанды ұғыну үшін біз арнайы жеті күндік курстың бағдарламасын сіздерге ұсынамыз. Бағдарлама бойынша сұрақтар болса, төменде көрсетілген байланыс телефондарына хабарласуға болатынын айтты.
Шеберлік класына қатысушылар жиын соңында қажетті мағлұматтар бергені үшін Игорь Клюшневке алғыс білдірді.
«Жаңа гуманитарлық білім. Қазақ тіліндегі 100 жаңа оқулық» атты дөңгелек үстел өткізілді
"100 жаңа оқулық жобасы" дөңгелек үстел өткізілді
2018 жылдың 19 сәуір күні Тараз инновациялық-гуманитарлық университетінде Қазақстан Республикасының Президенті, Ұлт Көшбасшысы Н.Ә.Назарбаевтың «Жаңа гуманитарлық білім. Қазақ тіліндегі 100 жаңа оқулық» жобасын насихаттау мен жүзеге асыруға байланысты ПОҚ, қызметкерлер мен студенттердің қатысуымен дөңгелек үстел болып өтті. Дөңгелек үстелді Тараз инновациялық-гуманитарлық университеті ректорының кеңесшісі, т.ғ.д., академик - Сүлейменов Жүсіпбек Тәшірбайұлы жүргізіп, Елбасының «Жаңа гуманитарлық білім. Қазақ тіліндегі 100 жаңа оқулық» жобасына байланысты өз пікірін білдірді. Дөңгелек үстел барысында «Тарих және құқық» кафедрасының аға оқытушысы – Бозжігітов Әліби, «Филология» кафедрасының доцент, ф.ғ.к. – Әбілов Меңдібай және «Дінтану» орталығының маманы - Нұрмахан Нұржанның баяндамалары тыңдалып, Ұлт Көшбасшысы Н.Ә.Назарбаевтың «Жаңа гуманитарлық білім. Қазақ тіліндегі 100 жаңа оқулық» жобасын талқылауға байланысты бейне ролик көрсетілді.
«Тәрбие жұмыстары» бөлімі
17.04.2018 Инженерлік білім беру саласының көшбасшыларының Қазақстан-Польша Халықаралық форумы
ИНЖЕНЕРЛІК БІЛІМ БЕРУ САЛАСЫНЫҢ КӨШБАСШЫЛАРЫНЫҢ ҚАЗАҚСТАН-ПОЛЬША ХАЛЫҚАРАЛЫҚ ФОРУМЫ
Тараз инновациялық-гуманитарлық университеті ҚР Білім және ғылым министрлігінің және Қазақстан Республикасының жоғарғы оқу орындарының ректорлары кеңесінің мүшелері ҚР Білім және ғылым министрлігінің жауапты хатшысы A.Орсариев бастаған делегацияның құрамында Польша Республикасының Варшава қаласында 2018 жылы инженерлік білім беру саласының көшбасшыларына арналған «Қазақстан-Польша Халықаралық форумына» қатысты. ТИГУ атынан делегацияны филология ғылымдарының докторы, университет ректоры Саурықов Ерболат Байұзақұлы басқаруымен, ішкі сапаны қамтамасыз ету бөлімінің бастығы, география ғылымдарының кандидаты Махмудова Лаззат Камалқызы және «Білім» факультетінің деканы, педагогика ғылымдарының кандидаты Құрманбекова Айгүл Сауқымбекқызы қатыстырылып отыр.
Форум аясында келесі іс-шаралар қарастырылған:
- Панельдік сессия: жоғары технологиялық өндіріс үшін кадрлар даярлау - ҚАЗАҚСТАН мен ПОЛЬША университеттерінің тәжірибесі;
- Польша Республикасының ғылым және жоғары білім вице-министрі П. Мюллер мен Халықаралық ынтымақтастық департаментінің директоры Юлий Галковскийдің қатысуымен KRASP атынан Қазақстан делегациясының құрметіне ресми қабылдау;
- Жауапты хатшы А.Орсариевтің Польша Республикасының ғылым және жоғары білім министрінің орынбасары П.Мюлермен кездесуі;
- Білім және ғылым саласындағы ынтымақтастықты дамыту туралы пікір-талас;
- «Перспектив» білім беру қоры мен «Халықаралық бағдарламалар орталығы» арасындағы ынтымақтастық туралы келісімге қол қою;
- Польша мен Қазақстан университеттері арасындағы ынтымақтастық туралы келісімге қол қою;
- Краков қаласындағы С.Сташица атындағы Тау-кен металлургия академиясының ректорымен, Польша KRPUT техникалық университеттерінің ректорларының төрағасы профессор Тадеуш Сломка және Краков университетінің басшылығымен кездесу;
- Тараз инновациялық гуманитарлық университеті мен Варшава университеті арасындағы ынтымақтастық туралы келісімге қол қою;
- Тараз инновациялық гуманитарлық университеті мен Варшава технологиялық университеті арасындағы ынтымақтастық туралы келісімге қол қою.
ТИГУ Ғылыми жұмыстар және
халықаралық қарым-қатынастар
жөніндегі проректор: Молгаждаров Қ.К.
