МЕКТЕПТЕРДЕ ӨТКЕН ШОЛУ ДӘРІСТЕРІ
Венгрияда ректорлар форумы өтті
Канадалық профессор ТИГУ-де сабақ береді
joomla

Бұйырғаны – үздік үштік

                                            Бұйырғаны – үздік үштікIMG 20180205 WA0007       Жуырда Жамбыл экономика және ақпараттық технологиялар колледжінің  ұйымдастырумен «Ұлттық сана: жастар саясаты» атты облыстық пікірсайыс турнирі өтті. Оған облыс орталығында орналасқан ЖОО және орта арнаулы оқу орындары студенттерінен жасақталған 25 фракция қатысып, ТИГУ командасы 3 орын иеленді. Фракция құрамында университет студенттері Шахназар Жүсіпов пен Бекболат Асқар бар.

«Шетел тілін білу - заман талабы»

«Шетел тілін білу - заман талабы»

     Тараз инновациялық-гуманитарлық университеті «Шетел тілдері» кафедрасының ұйымдастыруымен Елбасының «Болашаққа бағдар: рухани жаңғыру» мақаласын студенттер мен оқытушылар арасында насихаттау мақсатында «Шетел тілін білу - заман талабы» атты шетел тілдері бойынша олимпиада ұйымдастырылды.
     Үш кезеңнен тұратын олимпиаданың алғашқы кезеңінде студенттер өлкеміздің қасиетті жерлеріне шолу жасап, слайд жүзінде қорғап шықты. Екінші кезеңінде ұлы ақын Абай Құнанбайұлының «Қара сөздерін» оқып, ондағы ақынның айтпақ ойын, үлгі-өсиетін айшықтап, ағылшын тілінде түсіндіруге тырысты. Соңғы кезеңде ағылшын, корей, қытай тілдерінде тест тапсырып, бақ сынасты.
      Олимпиада қорытындысы бойынша, өзінің ерекше дарынымен көзге түскен Айсұлу Серікбай жүлделі 1 орынды иеленсе,  2 орын Дана Орынғалиева мен Мадина Широваға бұйырды. Ал Қаршыға Ақпанова, Нүрила Әбіл және Кристина Ли 3 орыннан көрінді. Жүлдегерлерге арнайы сыйлықтар мен дипломдар табыс етілді.

ШИРЕК ҒАСЫР ЖЫЛНАМАСЫ

ШИРЕК ҒАСЫР ЖЫЛНАМАСЫ2

Мемлекет басшысы Н.Назарбаевтың жыл басында жарық көрген «Тәуелсіздік дәуірі» кітабы тұтас егемендік жылдарының жылнамасы деуге толық негіз бар. Расында Тәуелсіздік энциклопедиясы сынды. Қазақ елінің жоспарлы дамуы, жүйелі жаңғыруы баяндалған Елбасының бұл туындысы уақыт өткен сайын маңыздылығы арта түсер құнды тағылым екені анық.
      Аталған кітапта әр бөлімнің өзі бірнеше бөлімге бөлінген. Олардың да атауларына аса мән беріліп, жаңа тарихымыз бен қазақстандық құндылықтардың дәуірлік оқиғалары нақты әрі дәл суреттелген. Атап айтқанда, «Тарихи әділеттілік салтанаты», «Тұғыры берік мемлекеттік құрылым», «Басты құндылығымыз – бейбітшілікті қастерлей білдік», «Жаңалықтың жылы лебі және қайта түлеген дәстүр», «Сыртқы саясат: тыңға түрен салғандай…», «Қияға көз тіккен Қазақстан барысы», «Баянды болсын Бас қала!», «Саяси тұрақтылықтың жемісі», «Тәуелсіздік рухымызды шыңдады», «Біз әлемдік дағдарыс сынағына төтеп бердік», «Бұрын-соңды болмаған зияткерлік өрлеу», «Әлем мойындаған көшбас-шылық», «Көз алдымыздағы ұлы өзгерістер», «Жаңа экономикаға батыл ұмтылыс», «Адам капиталының жаңа сапасы», «Қазақстанның айқын және мызғымас басымдықтары» және тағы басқа бөлімдерде еліміздің жарқын сәттері бүге-шігесіне дейін баяндалады.
      Ұлы Дала елі егемендік алғалы осынау ширек ғасырда жүз жылдың жүгін арқалағандай бүкіл жаһан қызыға да қызғана қарайтын әсем мемлекетке айналды. Атқарылған жүйелі жұмыс пен сындарлы саясаттың көшін Елбасы бастап, әрдайым келешек көкжиегін көре біліп, даналығымен даралануда. Бүгінде мемлекетіміз бірлігі жарасқан, болашағы айқын, Тәуелсіздіктің алғашқы жылдарынан білгенінен жаңылмай келе жатқан, әлем алдындағы беделі биік, абыройлы ел.
      Бүгінде ел ағалары, қоғам мүшелері Елбасының бұл кітабын еліміздің барлық мектептерінде, оқу орындарында оқыту керектігі жөнінде пікір білдіріп отыр. Әлбетте, өскелең ұрпақ, ертеңгі күні ел тізгінін ұстайтын бүгінгі жастар буыны ширек ғасыр жылнамасын жадында жаттауы керек-ақ. Бұл ретте осы бастаманы Қазақстандағы барлық деңгейдегі оқу орындары қолға алып, күнделікті оқу процессіне енгізуі тиіс деп есептеймін.
Ұлы дала елінің талайғы тарихында қандай өзгеріс болды, қай жылы нендей қаулы-қарар қабылданғаны жайлы өркениетті елдер қатарынан ойып орын алатын елдің әрбір азаматы білуі тиіс. Демек, қай қайсымыз болсақ та, болашаққа бағдар жасамас бұрын, өткенін екшеп, кешегімізден толыққанды хабардар болуымыз міндетті.
      Иә, тәуелсіздіктің арқасында ғылым саласы да айтарлықтай реформаланып, Мемлекет басшысы ұсынған білімді басқарудың жаңа үлгісі енгізілгені белгілі. Бұл өз кезегінде зерттеушілердің ынтасын оятып, ғылыми өнімдердің сапасын арттырды. Ғылымды коммерцияландырудың қайтарымы мен нәтижесіне, бет бұрылды. Нәтижесінде, бүгінгі таңда бізде ең озық әлемдік тәсілдерге сәйкес білім берудің ғылыми жүйесі қалыптасты. Жаңа кітапта осынау жетістіктер жайында жан-жақты жазылған.
      Ғалымдар, зиялы қауым, ақпарат құралдары және жастар ұйымдарының өкілдері, жалпы бүкіл қоғам жаңа кітапқа зор ынтамен, ерекше қызығушылықпен танысып жатыр. Сондықтан да «Тәуелсіздік дәуірі» отандық және шетелдік қалың оқырман қауымды қызықтырар тың туынды болары сөзсіз.

Ерболат САУРЫҚОВ,
Тараз инновациялық-гуманитарлық университетінің ректоры,
филология ғылымдарының докторы, профессор,
ҚР ҰҒА Құрметті академигі,
Жамбыл облыстық мәслихатының депутаты

Академиялық ұтқырлық

     Академиялық ұтқырлықIMG 20180126 WA0008

      22-29.01.2018 оқу жылында кафедра меңгерушісі Сарыбекова Жанат Туленовна Тараз инновациялық – гуманитарлық университетінің атынан Кашмир университетіне (Үндістан, Сринагар қаласы) ғылыми зертеу және білім саласында академиялық ұтқырлық бағдарламасы бойынша, жоғарғы оқу орны мен ғылым саласындағы тікелей және өзара тиімді ынтымақтастықты қалыптастыру мақсатында іссапарға барып келді.
Оқу әдістемелік және ғылыми – зерттеу жұмыстарының тиімділігін арттыру мақсатында «Тараптар»  деп аталатын бірлескен ынтымақтастық туралы Меморандум жасалды. Бұл меморандум 5 жылға дейін жарамды. Келісім шарт-Кашмир

IMG 20180126 WA0005IMG 20180126 WA0006IMG 20180125 WA0001

Жолдау-2018. 9-шы бағыт жүктеген міндеттер түсіндірілді

Жолдау-2018. 9-шы бағыт жүктеген міндеттер түсіндірілді

       Университетте мемлекет басшысы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауының тоғызыншы бағытына арналған отырысы өтті. Оған университеттің профессор-оқытушылар құрамы, қызметкерлер және студенттер қатысты. Іс-шараны ректор кеңесшісі, академик Жүсіпбек Сүлейменов ашып, жүргізіп отырды. Жиын барысында ТИГУ «Халықаралық қарым-қатынастар, ғылыми және жаңа технологиялар» басқармасының басшысы, phD докторы Нұртас Абдымомынов «Жемқорлықпен күрес және заңның үстемдігі» тақырыбында баяндама жасап, шет мемлекеттердегі халықаралық тәжірибелер туралы сөз өрбітті. Одан соң «Құқықтану» кафедрасының аға оқытушысы, заң ғылымдарының магистрі Жазира Ералиева жемқорлық фактілері болған жағдайда қолданылатын қылмыстық және әкімшілік жазалау туралы баяндама жасап, толыққанды ақпарат берді. Сондай-ақ, университеттің профессор-оқытушылар құрамы студенттер тарапынан қойылған сауалдарға тұщымды жауап беріп, пікір алмасты.

ТИГУ баспасөз орталығы

 

Ректордың блогы

Тараз инновациялық-гуманитарлық университетінің 10 жылдығына арналған іс-шаралар жоспары

logotip

logopromishrevol kaz

Фотогалерея

logo 3d