ҒЫЛЫМИ КЕҢЕС

 

 2020-2021 оқу жылына арналған ҒЫЛЫМИ КЕҢЕС ЖОСПАРЫ

IMG 9325

Университеттің ең жоғары әріптестік басқару органы – Ғылыми кеңес болып табылады. Тараз инновациялық-гуманитарлық университетінің Ғылыми кеңесінің өкілеттік мерзімі – 3 жыл.  Ғылыми кеңестің жұмыстарын ұйымдастыру тәртібі Қазақстан Республикасының «Білім туралы» Заңына, жоғары кәсіби білімнің оқу бағдарламаларын тарататын білім беру ұйымдары іс-әрекеттерінің Типтік ережесіне және Тараз инновациялық-гуманитарлық университетінің Жарғысына сәйкес әзірленген.

 Ғылыми кеңес төрағасы - университет ректоры, филология ғылымдарының докторы, профессор Саурықов Ерболат Байұзақұлы.

22.11.2007ж. ҚР БҒМ-ның №574 «Жоғары оқу орны Ғылыми Кеңесі қызметінің типтік ережесі және оны сайлау ретін бекіту туралы» бұйрығы негізінде әрбір жаңа оқу жылына арналған Ғылыми кеңес құрамы жасақталады. Жоспар бойынша он бір мәжіліс өткізу жоспарланған. Әр айдың соңғы бейсенбісінде өткізілетін Ғылыми Кеңес мәжілістері Ғылыми Кеңестің мүшелерінің толық кворумымен және университет ректорының төрағалық етуімен, жүйелі түрде уақтылы жүргізіліп отырады. Бұл туралы Ғылыми Кеңестің күн тәртібі мен «Қатысу парақтарынан» және хаттамаларынан мәлімет алуға болады.

Университет деңгейін қамтитын ауқымды шаралар  Ғылыми Кеңестің күн тәртібінен табылады. Мәселен, орта мектепті бітіруші түлектер арасында кәсіби бағдар беру жұмыстары, Ұлттық бірыңғай тест тапсыруға дайындық шаралары, ғылыми кітапхана жұмысы, жаңа оқу жылына арналған оқу кестелері мен оқу жоспарларын, лекция оқуға құқық берілген оқытушылардың тізімін бекіту, білімгерлер контингентін қалыптастыру, т.б.

Ғылыми кеңес оқу жылы бойынша университеттің бәсекеге қабілетті мамандар даярлауда аймақтағы жетекші оқу орындарының бірі ретінде Министрлік талаптары деңгейінде жұмыс жүргізуіне барлық жағдай жасап отырады. Университеттегі құрылымдық өзгерістер, штаттық кесте, түрлі жиындар мен басқа мәселелерге жұмсалған қаржы сметалары, оқу үрдісінің қалыпты жүргізілуіне қажетті іс-шаралар әр түрлі мәселелер ретінде талқыланып, қарастырылады.

Университеттің ғалым хатшысы – филология ғылымдарының кандидаты, доцент Тамабаева Қаракөз Өмірзаққызы

1979 жылы туылған. Ұлты қазақ. 2000 жылы әл-Фараби атындағы Қазақ ұлттық университетінің филология факультетінің «Қазақ тілі мен әдебиеті» мамандығын үздік дипломмен, 2000-2002–жылдар аралығында аталған университетте «Қазақ тілі мен әдебиеті» мамандығы бойынша магистратурада оқып, үздік бітірген. Өзінің еңбек жолын әл-Фараби атындағы Қазақ ұлттық университетінің «Қазақ әдебиеті» кафедрасында стажер-ізденуші болудан бастады. Ғылыми-педагогикалық еңбек өтілі – 18 жыл.

Студенттердің ғылыми-зерттеу, оқу-әдістемелік жұмыстарын ұйымдастыруда мол тәжірибелі маман. Егемен еліміздің тарихы мен әдебиеті, мәдениетіне қатысты оқу құралдары республикалық жоғары оқу орындарының, мәселен, Абай атындағы қазақ ұлттық педагогикалық университеттің оқу үрдісінде пайдалануда.

 Ғылыми-педагогикалық қызметінің негізгі мазмұны ғылыми мақалалары мен оқу құралдары мен оқулығында көрініс тапқан.

Студенттерді бүгінгі күн әдебиетінің даму ерекшелігіне, ондағы тақырыптық арналар мен авторлық ізденістерді жекелеген көрекм туындылар мен ақын-жазушылар шығармашылығы желісінде ізденіс жұмыстарын жүргізуге баулып келеді. Ғылыми жетекшілік жасаған студенттерінің ғылыми жұмыстары жеке конференция жинақтарында жарияланған.

Қ.Тамабаева студенттер мен жас оқытушылар, магистрлерге үнемі ғылыми бағыт-бағдар көрсетіп отыратындықтан жоғары беделге ие.

Қ.Тамабаева еліміздегі «Ұлттық тәрбие», «Рухани жаңғыру» бағдарламасының жетекші орындаушыларының бірі. Сонымен қатар, тек ұлттық әдебиеттің өзекті мәселелерімен ғана емес, жалпы педагогиканың өзекті мәселелері, өскелең ұрпақ тәрбиесімен де жан-жақты айналысуда. 

АРДАГЕРЛЕР КЕҢЕСІ

ТАРАЗ ИННОВАЦИЯЛЫҚ-ГУМАНИТАРЛЫҚ УНИВЕРСИТЕТІНІҢ АРДАГЕРЛЕР КЕҢЕСІ
АРДАГЕРЛЕР КЕҢЕСІНІҢ ТӨРАҒАСЫ  
АСАБАЙ ҚАЛТАЙ АРЫНҰЛЫ

    

І. Аты –жөні:Асабай Қалтай Арынұлы
Туған жылы: 1948 ж.11 желтоқсан
Туған жері: Жамбыл облысы, Жамбыл ауданы,Қаратау ауылы
ІІ. Білімі: Жоғары. 1968 жылы Жамбыл есеп-санақ техникумының «Ауыл шаруашылық бухгалтері», 1974жылы Жамбыл жеңіл және тамақ өнеркәсібі технологиялық институтының «Инженер-экономист» мамандығы бойынша бітірген, Экономика ғылымдарының кандидаты
ІІІ. Кәсіби еңбек жолы мен қызметі:
1974-1977 жылдары Жамбыл жеңіл және тамақ өнеркәсібі технологиялық институтының ассистенті;
1977-1980 жылдары Қазақстан Республикасы Ұлттық ғылыми Академиясы Экономика институтының аспиранты;
1980-1997 жылдары Жамбыл жеңіл және тамақ өнеркәсібі технологиялық институтында аға оқытушы,доцент қызметін атқарушы,кафедра меңгерушісі;
1997-1998 жылдары Жамбыл жеңіл және тамақ өнеркәсібі технологиялық институтында бас бухгалтер;
1998-2003 жылдары М.Х.Дулати атындағы Тараз мемлекеттік университетінде кафедра меңгерушісі,факультет деканы;
2003-2012 жылдары Қ.Яссауи атындағы Халықаралық қазақ-түрік университеті Тараз институтында факультет деканы,институттың ғылыми жұмыстар жөніндегі проректоры;
2012-2017 жылдары Тараз инновациялық гуманитарлық университетінде ұйымдастыру жұмыстары жөніндегі проректор, факультет деканы, қабылдау комиссиясының жауапты хатшысы;
2017-2018 жылдары Тараз инновациялық көпсалалы колледжінде қамқоршылық кеңесінің төрағасы;
2018 жылдан Тараз инновациялық –гуманитарлық университетінде Ғылыми жұмыстар және халықаралық қарым-қатынастар бөлімінің бастығы, ал 2020 жылдың 1 қыркүйегінен ардагерлер кеңесінің төрағасы.

ІV. Ғылыми жұмысы мен жетістіктері:
Жеңіл өнеркәсіп саласының негізгі қорлары мен өндіріс қуаттарын пайдалану және экономиканың өзекті мәселелері бойынша 40-астан ғылыми мақалалар ақпарат беттерінде жарияланған.
V. Қоғамдық жұмыстар:
Университет, қала және облыс көлемінде қоғамдық жұмыстарға белсене араласады. Университетте «Нұр-Отан» ХДП бастауыш ұйымының жетекшісі, Тараз қалалық сайлау учаскесінің тұрақты төрағасы, Облыстық қоғамдық кеңес жұмысшы тобының мүшесі
VІ. Марапаттар:
Қазақстан Республикасы білім беру ісінің үздігі (1999ж), Қазақстан Республикасы білім беру ісінің құрметті қызметкері (2005ж), төс белгілерімен марапатталған
Жамбыл облысының Құрмет грамотасымен, 2018ж.
А.Байтұрсынов атындағы алтын медальмен, 2018 ж.
Жамбыл облысының «Облысқа сіңірген еңбегі үшін белгісімен» ,10 желтоқсан 2018ж.
Жамбыл облысының Сайлау комиссиясы төрағасының алғыс хатымен. 2019 ж.
VІІ. Жанұясы:
Отбасылы, жоғары білімді 2 ұл, 2 қыз тәрбиелеп, 12 немере сүйіп отырған азамат.

        

     Тараз инновациялық-гуманитарлық университетінде 2013 оқу жылынан бастап бастауыш ардагерлер ұйымы құрылды.   
       Бастауыш ардагерлер ұйымында  42 зейнеткер есепте тұрады. Ардагерлер кеңесінің құрамы 7  адамнан сайланған.  Олардың барлығы да тұрақты комиссиялардың жұмысына белсене араласып үнемі қоғамдық жұмыстардың бел ортасында жүреді.
      Жыл сайын оқу жылының басында, профессор-оқытушылар құрамынан жас оқытушы мамандарға кафедралардың шешімдерімен тәжірибелі тәлімгерлер бекітіледі.  
      Бұл орайда ардагерлеріміз Ә.Зулхарнаев, І.Әбітбеков, Ж.Аягөзов,  А.Белботаев, С.Әбдікерімов, К.Саржанова, Т.Галагузова секілді абзал жандар өз тәжірибесімен, білімін өкшесін басып келе жатқан жастарға үйретуде.
      Ардагерлер кеңесі қызметінің мақсаты (зейнеткрлердің құқықтарымен бостандықтарын қорғау, олардың лайықты әлеуметтік-тұрмыстық жағдайын қамтамасыз ету болып табылады).
Бастауыш ардагерлер ұйымының қызметінің мақсаттары:
-    Қоғамдық бірлігін, келісімімен тұрақтылығын нығайту жөніндегі жұмысқа қатысу;
-    Ардагерлердің тұрмыс жағдайын, оларға қызмет көрсетудің мәдени –тұрмыстық, медициналық және басқа түрлерін жақсартуға жәрдемдесу;
-    Отан қорғаушыларды, және еңбек ардагерлерін мәңгі есте сақтау;
-    Ардагерлердің жастарды аға – ұрпақтың жауынгерлік және еңбек даңқы дәстүрінде, ата-бабаның үздік халықтық тәрбиелеуге, оларды казазстандық патриотизм сезіміне баулуға қатысады;
-    Университет ғылыми кеңесі және ректорат жұмыстарына қатысу;
-    Университет кәсіподақ ұйымымен тәрбие және жастар бөлімімен тығыз байланыста болу;
       Ардагерлерді әлеуметтік жағынан қорғау назардан тыс қалып көрген емес. Әрбір жаңа оқу жылында университет басшылығы ардагерлер ұйымының белсенді мүшелерін «Ғұмыр-Дария»  газетіне тегін жаздыруды қамтамасыз етеді. Ал кәсіподақ комитеті тарапынан, соңғы 4 жылдың көлемінде 45 ардагерге шипажайлар мен сауықтыру орындарына жолдамалар берілді.  Ардагерлердің мерейтойлары үнемі аталып отырады.
       ҚР ардагерлер ұйымының 30 жылдығы қарсаңында 3 ардагеріміз (Ж.Майханов, Ә.Зұлқайнаров, Қ.Бөлеев) «Ардагерлер ұйымы» Республикалық қоғамдық бірлестігіне 30 жыл мерекелік медалімен марапатталды.