...Хабарландыру! ... Құрметті әріптестер, магистранттар! ... Тараз инновациялық-гуманитарлық университеті жанынан жарыққа шығып отырған «ТИГУ жаршысы» атты республикалық ғылыми-ақпараттық журналдың кезекті басылымына ғылыми мақалаларды жинақтап жатқандығын хабарлайды. Толығырақ...

Медиа орталық

ТАРАЗ ИННОВАЦИЯЛЫҚ-ГУМАНИТАРЛЫҚ УНИВЕРСИТЕТІ
МЕДИА ОРТАЛЫҒЫ

Медиа орталық директоры

Tuganbai NurzhanТуғанбаев Нұржан Маратұлы – 1991 жылы 18 маусымда Жамбыл облысы Жамбыл ауданында дүниеге келген. 2009-2013 жыл аралығында М.Х.Дулати атындағы Тараз мемлекеттік университетін филология мамандығы бойынша бітірген. Еңбек жолын Жамбыл облыстық «АРстан» қоғамдық-саяси газетінде тілші ретінде бастаған. Одан кейін Тараз қалалық «Жамбыл-Тараз» қоғамдық-саяси газетінде, облыстық «Жамбыл спорты» басылымында тілші, «АРстан» қоғамдық-саяси газетінде бас редактордың орынбасары қызметтерін атқарған. 2014 жылы Тараз инновациялық-гуманитарлық университетіне баспасөз хатшысы болса, 2015 жылдың қыркүйек айынан бері аталған университетте Медиа орталық директоры қызметін атқаруда.

Медиа орталық сипаттамасы:
Тараз инновациялық-гуманитарлық университетінің медиа орталығы – жоғары оқу орнының жаңалықтары, күнделікті хабарландырулар мен заманауи трендтер туралы жаңаша және жан-жақты ақпаратпен жұртшылықты қамтамасыз ету міндеті жүктелген құрылымдық орталық. Медиа орталық университет ректорының бұйрығы арқылы құрылады. Құрылым тікелей ректорға бағынады. Медиа орталық құрамына орталық директоры, «Жастар айдыны» газеті, фото/видео операторлар,  сайт администраторы (web-бағдарламашы) қарайды. Құрылымның штаттық бірлік саны – 4. Құрылым қызметкерлері медиа орталық директорына қарайды.

1.Медиа орталық функциясы:
1.1Университет имиджін көтеру;
1.2 Облыстық, республикалық БАҚ-пен тығыз байланыста болу;
1.3 Университет іс-шаралары туралы жан-жақты ақпараттарды бұқаралық ақпарат құралдарына, ЖОО-ның әлеуметтік желілердегі парақшаларына уақытылы жіберу және жариялап отыру;
1.4 Университет әкімшілігі ұйымдастырған кез келген іс-шараға БАҚ өкілдерін шақыру, баспасөз парағын дайындау;
1.5 Университет ұйымдастырған көлемді іс-шаралардан арнайы бейне репортаждар ұйымдастыру және youtube видео хостингтегі ТИГУ-TV каналына орналастыру, әкімшілік корпустағы экранға шығару;
1.6 Баспасөз орталығы кабинетінде түрлі деңгейдегі баспасөз мәслихаттарының өтуін ұйымдастыру;
1.7 Ішкі және сыртқы ақпараттар легін реттеу, бұқаралық ақпарат құралдарында университет имиджіне нұқсан келетін материалдардың орын алмауын қадағалау және негатив пікірлердің болмауын алдын алу.

2. Медиа орталық директорының міндетті:
2.1 Орталық функцияларының толықтай іске асуын қадағалау;
2.2 ЖОО қызметкерлері мен студенттердің облыстық телеарна мен газет-журналдарға шығуын ұйымдастыру;
2.3 Университет имиджін жоғарылату мақсатында үнемі тың идеялар мен бастамалар көтеру және жүзеге асыру;

3. «Жастар айдыны» газеті редакциясы:
3.1 Университет ұйымдастырған іс-шаралар туралы, оқу орнының тыныс-тіршілігі мен студенттер шығармашылығы жайлы ауқымды, танымдық материалдарды өз уақытында газет бетіне үйлесімді орналастырып, кафедралардан түскен мақалаларды сараптап, жүйеге келтіре дайындауға;
3.2 «Жастар айдыны» газетін ай сайын 500 данадан «Сенім» ЖШС баспасынан басылып шығарылуына жауапты;
3.3 «Жастар айдыны» газеті медиа басшысының, одан кейін университет ректорының рұқсатынан соң баспаға жіберіледі;
3.4 Редакция өкілі университет іс-шараларына атсалысуға және қатысуға міндеттеледі.

4. Фото/видео операторлар:
4.1 Университет ұйымдастырған іс-шараларды фото/видео таспаға түсіру, өңдеу;
4.2 Фото және видео репортаждар дайындау, монтаж жасау;
4.3 Фото/видео материалдардың сапасына жауап беру;

5. Сайт администраторы (web-бағдарламашы):
5.1 Университет сайтының күнделікті жаңарып (обновление) отыруына;
5.2 Сайтқа салынған материалдарды университеттің әлеуметтік желілердегі парақшаларына бөлісуге;
5.3 Сайтта орын алған техникалық ақаулар туралы хабарлауға және оның дұрысталуына жауапты.

***

Жалпы ережелер
Медиа орталық қызметкерлері БАҚ өкілдерімен тығыз байланыста болады. 
Медиа орталық қызметкерлері өзінің қызметінде:

  • СМЖ құжаттарын жетілдіруде нормативті және инструктивті құжаттарын;
  • ХС ИСО 9001-2008 стандартын;
  • университеттің ішкі еңбек тәртіп ережесін;
  • қызметтік нұсқауды;
  • университет ректорының бұйрықтарын басшылыққа алады.

Медиа орталық қызметкерлері университет ректорының бұйрығымен қызметке тағайындалады және босатылады. 
Медиа орталық қызметкерлері уақытша (сырқат, жол сапар, еңбек демалысы т.с.с.) болуына байланысты орталық қызметкерлеррінің жұмысы ректордың бұйрығы бойынша тағайындалған тұлғаға барлық міндет жүктеледі. Бұл тұлға өзіне жүктелген тапсырыстарға жауапкершілікпен қарайды.

Медиа орталық қызметкерлері құқылы:

  • нақты міндеттері көрсетілген қызметтік нұсқаумен танысуға;
  • белгіленген тәртіппен өз қызметтік деңгейін жоғарлатуға;
  • қызметтік басты сұрақтарды талқылауға қатысуға;
  • қызметтік жетістіктерде материалдық сыйақы алуға, ауызша марапатталуға; 
  • университеттің тегін кітапханалық, ғылыми, оқу бөлімдерінде, әлеуметтік-тұрмыстық, емделу қызметін пайдалануға.

Медиа орталық қызметкерлері жауапкершілікке тартылады:

  • өзінің қызметтік нұсқауларын уақытылы емес және сапасыз орындағаны үшін;
  • Қазақстан Республикасының әкімшілік, құқықтық және азаматтық заңнамаларымен анықталған қызметік бабында жасалған құқық бұзушылықтары үшін;
  • Қазақстан Республикасының азаматтық және еңбек заңнамаларын бұзып, материалдық шығын келтіргені үшін;
  • университеттің конфиденциалды мәліметтерін таратқаны үшін.

Шерхантану орталығы

Аты-жөні: Кембаева Айнұр Тұрарқызы

Туған жылы, айы, күні: 12.06.1982 ж.

Білімі: Жоғары

Мамандығы: Филология

Бітірген оқу орны: М.Х.Дулати атындағы Тараз мемлекеттік университеті

Университеттегі қызметі: «Шерхантану» орталығының директоры

Ғылыми дәрежесі: Филология магистрі

 

«Шерхантану»  орталығы

          Орталық 2009 жылдың 29 сәуірінен бастап жұмыс жүргізуде.

Орталық  директоры,  өмірбаяны:

         Кембаева Айнұр Тұрарқызы – 1999-2003 жж. М.Х.Дулати атындағы Тараз мемлекеттік университеті «Әлем тілдері» факультетінің «Қазақ тілі мен әдебиеті» мамандығын үздік аяқтаған.

2004 жылы  М.Х.Дулати атындағы ТарМУ-дың «Филология» мамандығы бойынша магистратурасын  үздік аяқтаған. Ф.ғ.д., профессор, Мемлекетік сыйлықтың иегері М.Мырзахметұлының  жетекшілігімен «М.Х.Дулатидың «Жаһаннама» дастанының көркемдік-тақырыптық ерекшелігі»  тақырыбы бойынша магистрлік диссертациясын қорғап, филология магистрі дәрежесін алды.

         2004-2009 жж. Қ.А.Ясауи атындағы ХҚТУ Тараз институтының «Қазақ тілі мен әдебиеті» кафедрасының оқытушысы.

         2009-2011 жж. Тараз инновациялық-гуманитарлық университетінің «Филология» кафедрасының аға оқытушысы.

         2011 жылдан «Шерхантану» орталығының директоры қызметін атқаруда.

         2013 жылы – Аймақтық Менеджмент Академиясының доценті.

          2016 жылы – Қазақстан Республикасының «Мәдениет саласының үздігі».

Өзінің педагогикалық және ғылыми шығармашылық  жолында 40-қа жуық ғылыми-әдістемелік еңбектері жарияланып, жарыққа шықты. Оның ішіндегі ең бастылары: 2006 жылы жарыққа шыққан «Қазіргі қазақ тілінің фонетикасы» атты көмекші оқу құралы, «Қазақтың Шерағасы» атты көптомдық шығармалар жинағының редакциялық алқасының негізгі мүшелерінің бірі.

           Орталықтың  мақсаты мен міндеттері:

Тараз инновациялық-гуманитарлық университеті жанынан құрылған «Шерхантану»  орталығының мақсаты туған өлкеміздің түлегі, ел мақтанышы, Халық жазушысы, белгілі қоғам қайраткері Ш.Мұртазаның шығармашылығын насихаттау, ғылыми зерттеуді ұйымдастыру және жоспарлы зерттеу жұмыстарын жүргізу, жазушының шығармашылығын зерттеуші ғалымдармен байланыс орнату және олармен шығармашылық бірлікте жұмыс атқару болып табылады.  Орталықтың басты міндеттерінің бірі - жазушы Ш. Мұртазамен нақты байланыс орната отырып, оның шығармашылық зертханасына қатысты маңызды материалдарды жинастыру, сондай-ақ, мүмкіндігіне қарай қаламгермен әңгімелесу сұхбаттар өткізіп, танымал туындыларының жазылу жайына, жазушылық енбегіне, шеберлік-ізденіс жолдарына байланысты өзге де тың мәліметтер алу және оны уақтылы қағазға түсіріп, мұрағаттық құнды дерек көзіне айналдыру.

Орталықтың негізгі міндеттерінің бірі зерттеу жұмыстарын жүргізумен қатар, студенттерді ғылыми жұмысқа баулу болып табылады. Осыған орай, студенттерге Ш.Мұртазаның шығармалары бойынша курстық, дипломдық, магистрлік жұмыстардың тақырыптары ұсынылады, белгілі жазушылардың және жергілікті қаламгерлердің қатысуымен студенттерге арналған «Шерхан Мұртаза сабақтары» ұйымдастырылады. Облыстық әдеби «Ш.Мұртаза оқулары» ұйымдастырылып  өткізіледі.

Атқаратын қызметтері:

Орталықтың  жұмысы Халық жазушысы Ш.Мұртаза шығармашылығын зерттеумен шектелмейді, бүгінгі әдеби процесс, сонымен қатар облыс көлеміндегі әдеби-тарихи тұлғаларды, белгілі бір тарихи жағдайды бейнелейтін халықтық туындыларды зерттеумен, жалпы әдебиеттану ғылымының көкейкесті мәселелерімен де айналысады.  

            Орталық  қызметкерлері:

Байсақалова Жадыра Манатқызы – орталықтың маманы, 2011 жылдан орталықта қызмет атқаруда.

Мекенжайы: Желтоқсан көшесі, 69Б., Бас оқу ғимараты, 1-202 бөлме

Ұялы тел: 87771704185, 87787677582

Жұмыс телефоны: 8(7262) 54-30-39

e-mail:Kembaeva_ainur@mail.ru

 

sherkhantanu 7sherkhantanu 3sherkhantanu 8

«Түркітану» ғылыми зерттеу орталығы

«Түркітану» ғылыми зерттеу орталығы

 

«Түркітану» ғылыми зерттеу орталығының жұмысы жайында ақпарат
  «Түркітану» ғылыми зерттеу орталығыуниверситеттің Ғылыми кеңесінің шешімі негізінде , өңірде түркі өркениетін айғақтайтын археологиялық ескерткіштерге қатысты университеттің ғылыми-зерттеу жұмыстарын жүргізу. Студенттердің археология, тарих және өлкетануға байланысты пәндерден алған  теориялық білімімен қатар практикалық дағдылар беруге де міндет етіп, көне ескерткіштер мен жәдігерлерді зерттей отырып тіл деректерін нақты танып,сөйлеу, жазу мәдениетін жетілдіруді мақсат ете, оларды ғылыми-зерттеу жұмысына бейімдеу.
Осы негізде «Түркітану» ғылыми зерттеу орталығы

1.Таластық сына жазулар бүгінгі күннің еншісінде атты тақырыппен:
-Талас ескерткіші жайында қаншалықты білеміз? Оның бүгінгі күнгі ғылымда алатын орны мен ескерткіштерді зерттеу ісінде алда тұрған міндеттер жайлы зерттеу жұмыстары;
-В.А. Каллаур жазу ескерткіштерін зерттеулері;
-Орхон-енисей типіндегі таластық жазу ескерткіштерін орыс ғалымдарының зерттеулері
-И.А. Батмановтың пікірі, мәтіндердің зерделеуі бағыттарында жұмыстар жүргізіліп, материалдар жинақталып, Жамбыл облыстық «Ақжолға» газетіне мақала берілді.

2.Қазақ хандығының 550 жылдық мерейтойын Республика көлемінде тойлау бағдарламасы негізінде «Мәңгілік ел» идеясының түпқазығы - Қазақ хандығы атты зерттеу жұмыстары жүргізілуде. Осы негіздегі жинақталған материалдар қорытындысы газет бетіне дайындалуда.

3.Осы салаға байланысты Ғылыми зерттеу институттарымен,  археология және түркология ғылыми зерттеу орталықтарымен келісім шарт жасау жұмыстары жүргізілуде;

4.Орталықтың жаңадан ашылына байланысты университет СМЖ  бойынша  мақсаттарын жүзеге асыру құжаттары дайындалды.

5.Жарнамалық-ақпараттық қызмет, ақпараттық жинақтар, тақырыптық көрмелер ұйымдастыру және орталықтын Ғылыми өнімдерді республикалық және халықаралық көрмелерге ұсыну бағыты бойынша жұмыстар жүргізілуде;

6.«Түркітану» ғылыми зерттеу орталығына арналған әдістемелік кабинетін жабдықтау жұмыстар жүргізілуде.

«Дінтану» орталығы

      Қазақстан Республикасы Президентінің 2017 жылғы 20 маусымдағы №500 Жарлығымен бекітілген «Қазақстан Республикасының дін саласындағы мемлекеттік саясатының 2017-2020 жылдарға арналған тұжырымдамасына» сәйкес, жоғары оқу орындарында оқитын студенттердің теріс діни ағымдардың жетегінде  кетуін алдын алу мақсатында ақпараттық-түсіндіру және анықтау жұмыстарын жүргізу жоспарлануда. Елбасының бағдарламасына сәйкес Тараз инновациялық-гуманитарлық университетінің ректоры Е.Б.Саурықов «Дінтану» орталығын ашып, теолог маманды қызметке алды. «Дінтану» орталығының мақсаты мен міндеттері:

  1. Қазақстан Республикасының дін саласындағы мемлекеттік саясатын орындау
  2. Университет студенттеріне дәстүрлі емес діни ағымдар туралы ақпарат беру
  3. Дәстүрлі емес діни ағымдарға қарсы иммунитет қалыптастыру
  4. Теріс діни ағымдардың жетегінде кетуін алдын алу
  5. Университет қызметкерлері мен студенттеріне дін аясында туындаған сұрақтарға жауап беру

      Тараз инновациялық-гуманитарлық университетінде «Дінтану» орталығының ашылуы игі бастаманың бірі. Себебі қазіргі таңда әлемнің түкпір-түкпірінде діни экстремизм мен терроризм белең алып жатқанын жаһан жаңалықтарынан байқаймыз. Сол діни экстремизм мен терроризм біздің елді айналып өткен жоқ. Аталмыш қауіптің алдын алу мен оған қарсы жұмыс жүргізуде «Дінтану» орталығының үлесі бар.

Өткізілген іс-шаралар

Діни экстремизм мен терроризм профилактикасы

       2017 жылдың 20 қыркүйегінде Тараз Инновациялық-Гуманитарлық университеті «Дінтану» орталығының маманы Нұрмахан Нұржан «Құқық және экономика» факультеті Құқықтану мамандығының 17-1, 17-3 топтарына «Діни экстремизм мен терроризмнен алдын алу» тақырыбында семинар өткізді.Семинарға қатысушы студенттерге экстремистік ағымдар идеологиясының ерекшеліктері, зардаптары мен қауіптілігі, Қазақстандағы қызметтерінің мақсаты, экстремистік-лаңкестік мазмұндағы қылмыстар үшін қылмыстық-құқықтық жауапкершіліктердің нормалары жөнінде ақпарат берілді. Студенттер тарапынан «деструктивті секта дегеніміз не және олардың ерекшеліктері» сұрағы қойылды. Қойылған сұрақтарға толыққанды жауап беріліп, «Дінтану» орталығының қызметі мен міндеттері жайлы ақпарат берілді. 

20170922 111459

      2017 жылдың 22 қыркүйегінде Тараз Инновациялық-Гуманитарлық университеті «Дінтану» орталығының маманы Нұрмахан Нұржан «Құқық және экономика» факультеті Есеп және аудит 17-1, Мемлекеттік жергілікті басқару 17-1, Экономика 17-1, Қаржы 17-1 топтарына «Діни экстремизм мен терроризмнен алдын алу» тақырыбында семинар өткізді.

20170926 103646

20170926 103745Семинарға қатысушы студенттерге экстремистік ағымдар идеологиясының ерекшеліктері, зардаптары мен қауіптілігі, Қазақстандағы қызметтерінің мақсаты, экстремистік-лаңкестік мазмұндағы қылмыстар үшін қылмыстық-құқықтық жауапкершіліктердің нормалары жөнінде ақпарат берілді.Студенттер тарапынан «Көшеде сайттың аты бар қағазды таратып жүргендер дұрыс па, сәләфилік ағымының қауіптілігі неде» сұрағы қойылды. Қойылған сұрақтарға толыққанды жауап беріліп, «Дінтану» орталығының қызметі мен міндеттері жайлы ақпарат берілді.

        2017 жылдың 26 қыркүйегінде Тараз Инновациялық-Гуманитарлық университеті «Дінтану» орталығының маманы Нұрмахан Нұржан «Жаратылыстану» факультеті  Смс 17-1, физика 17-1, химия 17-1, Ет 17-1, Мат 17-1, Инф 17-1, туризм 17-1, география 17-1 топтарына «Діни экстремизм мен терроризмнен алдын алу» тақырыбында семинар өткізді.

20170926 113514


20170926 113500Семинарға қатысушы студенттерге экстремистік ағымдар идеологиясының ерекшеліктері, зардаптары мен қауіптілігі, Қазақстандағы қызметтерінің мақсаты, экстремистік-лаңкестік мазмұндағы қылмыстар үшін қылмыстық-құқықтық жауапкершіліктердің нормалары жөнінде ақпарат берілді.
Студенттер тарапынан «ақырзаман белгілері деген уатсаптан келеді, осы нәрсе дұрыс па?» сұрағы қойылды. Қойылған сұрақтарға толыққанды жауап беріліп, «Дінтану» орталығының қызметі мен міндеттері жайлы ақпарат берілді. 2017 жылдың 4 қазанда Тараз Инновациялық-Гуманитарлық университеті «Дінтану» орталығының маманы Нұрмахан Нұржан «Білім» факультеті ПЖП-17-1, БОПӘ-17-1, ҚТ-17-1, ШТ-17-1, ИЯ-17-2 топтарына «Діни экстремизм мен терроризмнен алдын алу» тақырыбында семинар өткізді.Семинарға қатысушы студенттерге экстремистік ағымдар идеологиясының ерекшеліктері, зардаптары мен қауіптілігі, Қазақстандағы қызметтерінің мақсаты, экстремистік-лаңкестік мазмұндағы қылмыстар үшін қылмыстық-құқықтық жауапкершіліктердің нормалары жөнінде ақпарат берілді.Студенттер тарапынан «уахабилік, сәләфилік ағымына қарсы жұмыстар қаншалықты деңгейде жүзеге асып отыр, хиджаб заң бойынша рұқсат етілген бе?» сұрағы қойылды. Қойылған сұрақтарға толыққанды жауап беріліп, «Дінтану» орталығының қызметі мен міндеттері жайлы ақпарат берілді. 

  

  Дәстүрлі емес діни ағымдардың қаупі

        2017 жылдың 22 қарашасында Тараз Инновациялық-Гуманитарлық университеті «Дінтану» орталығының маманы Нұрмахан Нұржан мен «Жастар ресурстық орталығы» коммуналдық мемлекеттік мекемесінің маманы А.Сәрсенбаев «Білім» факультетінің 1-курс студенттеріне «Дәстүрлі емес діни ағымдардың қауіпі» тақырыбында семинар өткізді. Семинарға қатысушы студенттерге экстремистік ағымдардың қалыптасу алғышарттары, эакстремистік ағымдардың қолданатын психотехникалық әдіс-тәсілдері, идеологиясының ерекшеліктері, зардаптары мен қауіптілігі, Қазақстандағы қызметтерінің мақсаты, экстремистік-лаңкестік мазмұндағы қылмыстар үшін қылмыстық-құқықтық жауапкершіліктердің нормалары жөнінде ақпарат берілді. Студенттер тарапынан сұрақ қойылған жоқ.

 

Рухани жаңғыру

Рухани жаңғыру

Елбасымыздың «Болашаққа бағдар – рухани жаңғыру» атты мақаласы заман талабын ескере отырып, мемлекетіміздің қауіпсіздігі мен бірлігі тұрақты, әрі экономикасы қарқынды дамуына үлкен серпін берді. Мақаланың құрылымы мен мазмұны ұлттық сана, бәсекелестік қабілет, прагматизм, ұлттық бірегейлікті сақтау, білімнің салтанат құруы, мемлекетіміздің революциялық емес эволюциялық жолмен дамуы, сананың ашықтығы және мемлекетіміздің алдағы уақытта орындауға тиіс міндеттері мен жоспары көрсетілген. Бұл маңызды қадамға мемлекеттік институттармен қоса біз қоғамдық институттар бірігіп атсалысу қажет. Еліміздің болашағы – жастар. Университетіміздің студенттері білімге, спортқа, ғылымға, өнерге бейім болып, үлкен жетістіктерге жетіп жатса Елбасымыздың рухани жаңғыру бағдарламасын орындап, мемлекетіміздің дамуына өз үлесімізді қосамыз.

Мақалада кездесетін «ұлттық код» ұғымы еліміздің ежелден келе жатқан салт-дәстүр, тіл, өнер, дін және мәдениетімізді білдіреді. Бізге тамыры тереңге жайылған тарихымызды біліп, өткен қателерді болашақта болдыртпауымыз үшін, өткенге қарап тәжірибемізді пайдаланып,  бірігіп жұмыс жасауымыз керек. Алайда осы ұмтылысқа кедергі келтіретін бірнеше факторлар бар. Солардың бірі – діни фанатизм. Діни фанатизмнің салдарынан еліміздің көптеген азаматтары әсіресе жастар білім, ғылымды меңгеруді басты ұстаным деп есептемей, тек діни ілімді ғана басты ұстаным ретінде қабылдап, тіпті еліміздің құрылымына қарсы шыққан жәйттар да бар. Кей азаматтар ұлттық кодымыздың негізі салт-дәстүрімізді, мәдениетімізді, дінімізді, тілімізді жоққа шығарып, өз идеологияларын тықпалауда. Осы орайда мақаладағы «Біз жат идеологиялардың әсері туралы айтқанда, олардың артында басқа халықтардың белгілі бір құндылықтары мен мәдени символдары тұрғанын есте ұстауымыз керек» деген жолды қосқанды жөн санаймын. Дін істері және азаматтық қоғам министрі Н.Ермекбаев діни фанатизмнің қауіп-қатері жайында:  «Бірақ діншілдік деңгейінің өсуі радикалды идеологияға ықпал етуге көп мүмкіндік береді. Қандай ағым мен конфессияда болмасын, ол тіпті дәстүрлі ханафи мазхабы немесе сопылық жолын ұстанушылардың да, кейбір христиандық ағымдар мен иудаизм тараптарынан болса да, діни фанатизм қауіп-қатерін төндіруі мүмкін. Мәселе, тек діни сауатсыздықта емес, діни білім тиісті тәрбие мен саяси сауаттылықпен байланыста болуы керек”, — деп атап өтті. Яғни діни фанатизм қаупін тек дәстүрлі емес діни ағымдардан ғана емес, сонымен бірге ханафи мазхабы немесе сопылық жолын ұстанушылардан болса да төндіруі мүмкін. Дәстүрлі емес діни ағымдарға теологиялық, психологиялық, әлеуметтік, саяси тұрғыдан талдау жасап мемлекетімізге қауіпті қырларын аша аламыз. Отан отбасынан басталады демекші, дәстүрлі емес діни ағымның жетегіне кеткен жастарымыз өз ата-анасымен келіспеушілікке келіп, оларға қарсы шығып, үйдің берекесін бұзған жәйттар бар. Жастарды бұл әрекетке жаңсақ діни таным итермелеуде. Ата-анасын намаз оқымағаны үшін күпірлікке шығарып, яғни кәпір деп айыптап, пісірген жеті шелпегін «ширк» деп адасқан жастар баршылық. Тек осы әрекетпен шектелмей, жер бетінде «халифат» орнату идеологиясының негізінде жихад ұйымдастырумен қауіпті болып саналады. Бастамасы өз ата-анасына қарсы шығудан басталса, нәтижесінде Отанына қарсы шығып үлкен қауіпке айналады. Бұл әрекет мемлекетіміздің тұрақты, бейбіт қалпында қалуына кері әсерін тигізеді. Діни фанатизмнің көрінісі осыдан бірнеше жыл бұрын сопылық жолын ұстанушылардан да байқалды. Яғни жастар «Махди» шығады, оның жамағаты болады, сол жамағаттың қатарынан шықсақ деген арман ниеттері болған. Осы идеологияның кесірі кейбір жастарымыз жоғары оқу орнына түсуді қажетсінбей, білімін арттыру арқылы алға қарай дамуын тоқтатып, діни фанатизмге ұрынған.  Ал бұл идеология мемлекетіміздің дамуына тосқауыл болады. Ғылым, білім болмаған жерде технология дамымай, экономикалық құлдырауға әкеп соғады.

Мақаладағы «Туған жерге туыңды тік, Туған жерін сүйе алмаған, сүйе алар ма туған елін» деп келетін жолдар мән мағынаға толы. Қазақтың даналығы сан ғасырлап ұстанып келе жатқан Ислам дінімен сабақтас болып келеді. Бабаларымыздың «Туған жерге туыңды тік, Отан үшін отқа түс күймейсің» деп айтқан дана сөздері Пайғамбарымыздың «Отанды сүю – иманнан» хадисімен сабақтасып жатыр. Ал теріс пиғылды діни ағымдар «мұсылмандардың отаны – жәннат», конституциямен емес шариғатпен өмір сүру керек, зайырлы емес, ислам мемлекеті болу керек деген қате түсініктерді таратуда. Дін  – бейбітшілік пен тұрақтылықты, махаббат пен сүйіспеншілікті, адалдық, адамгершілік, әділдікті қамтитын Алла мен адам арасын байланыстырушы күш. Дін ғылым, білімге жол ашатын  адамзаттың мәдени, рухани тұрғыда дамуына серпін беруші күш. Оның көрінісі бірнеше ғылым саласының негізін қалаған Әл-Фараби, Бируни, Хорезми, Ибн Сина, Ұлықбек сынды ғұламалардың мұра етіп қалдырған еңбегінен байқалады. Дін еліңе, жеріңе сатқындық жасап немесе қауіп төндіру емес, керісінше адал қызмет етіп, дамуы мен өркендеуіне өз үлесін қостыруды талап етеді. Себебі пайғамбарымыздың хадисінде «Отанды сүю – иманнан» делінген. Мақалада туған жерге мынадай анықтама береді «Туған жер – әркімнің шыр етіп жерге түскен, бауырында еңбектеп, қаз басқан қасиетті мекені, талай жанның өмір-бақи тұратын өлкесі. Оны қайда жүрсе де жүрегінің түбінде әлдилеп өтпейтін жан баласы болмайды. Туған жерге, оның мәдениеті мен  салт-дәстүрлеріне айрықша іңкәрлікпен атсалысу – шынайы патриотизмнің маңызды көріністерінің бірі».

Мемлекетімізде 130-дан аса ұлт өкілдерінің өмір сүруі дін өкілдерінің сан алуандығын аңғартады. Бір шаңырақтың астында көптеген ұлт пен дін өкілдерінің бейбіт өмір сүруі Елбасымыздың көреген саясаты мен Қазақстан Республикасының Конституциясындағы «зайырлылық» ұғымы, ежелден қазақ даласында толеранттылығының арқасында. Осы қалыпты бұзып, экономикалық және саяси дамуымызға кері әсерін тигізетін теріс діни ағымдарға қоғам болып бірге қарсы тұруымыз қажет. Елбасы өз мақаласында «Біз жат идеологиялардың әсері туралы айтқанда, олардың артында басқа халықтардың белгілі бір құндылықтары мен мәдени символдары тұрғанын есте ұстауымыз керек. Тиісінше, оларға өзіміздің ұлттық құндылықтарымыз арқылы ғана төтеп бере аламыз» деп дәйекті ойын білдірген.   

 

«Дінтану» орталығының маманы Нұрмахан Нұржан 

Видеогалерея

Фотогалерея

Пайдалы сілтемелер