«БІЛІМ» ФАКУЛЬТЕТІ

«БІЛІМ» ФАКУЛЬТЕТІ

«Білім» факультеті 2014-2015 оқу жылының 1-қыркүйегінде құрылған. Факультет білім және гуманитарлық ғылымдар бағытында мамандар даярлайды. Факультет деканы: Құрманбекова Айгүл Сауқымбекқызы - педагогика ғылымдарының кандидаты, доцент.

Факультеттің ПОҚ-лар құрамы

Факультетте 70-тен аса ПОҚ қызмет етеді, оның ішінде 6 ғылым докторы, профессор, 2 PhD доктор, 20-дан аса ғылым кандидаты, доценттер бар. Сонымен қатар осы оқытушылар құрамында Республикамызға белгілі ғалымдарымыз еңбек етеді, атап айтқанда «ҚР білім беру ісінің үздігі», «ҚР үздік оқытушысы» Ж.Т.Сарыбекова, А.Байтұрсынов атындағы алтын медаль иегері Немеребаев М.Н., «ҚР үздік оқытушысы» А.О. Карибаева, Қазақстан Республикасының еңбек сіңірген жаттықтырушысы С.А.Абдикеримов, Ұлттық Білім академиясының академигі, «Ы.Алтынсарин» төсбелгісінің және Мемлекеттік сыйлықтың иегері Қ.Бөлеев, Жамбыл облысы бойынша суретшілер одағының басшысы А.Сихаев және т.б.

Факультетте даярланатын бакалавриат білім беру бағдарламалары:

  1. 6В01 Педагогикалық ғылымдар

6В01101 – «Педагогика және психология»

6В01201 – «Мектепке дейінгі оқыту және тәрбиелеу»

6В01301 – «Бастауыш оқытудың педагогикасы мен әдістемесі»

6В01402 – «Дене шынықтыру және спорт»

6В01404 – «Кәсіптік оқыту»

6В01403 – «Бейнелеу өнері және сызу»

6В01411 – «Бастапқы әскери дайындық»

6В01701 – «Қазақ тілі мен әдебиеті»

6B01702 – Шетел тілі: екі шетел тілі (ағылшын–қытай, ағылшын–корей, ағылшын–түрік)

  1. 6В02 Өнер және гуманитарлық ғылымдар

6B02301 – «Қазақ филологиясы»

 

Магистратура білім беру бағдарламалары:

Ғылыми-педагогикалық бағыт

  1. 7M01 Педагогикалық ғылымдар

7M01101 – «Педагогика және психология»

7M01401 – «Кәсіптік оқыту»

7M01701 – «Қазақ тілі мен әдебиеті»

7M01703 – «Шетел тілі: екі шетел тілі»

Бейіндік бағыт

  1. 7M01 Педагогикалық ғылымдар

7M01102 – «Педагогика және психология»

7M01402 – «Кәсіптік оқыту»

7M01702 – «Қазақ тілі мен әдебиеті»

7M01704 – «Шетел тілі: екі шетел тілі»

Сонымен қатар 2020-2021 оқу жылынан бастап жаңа бакалавриат білім беру бағдарламалары қосылды, атап айтқанда:

6B01102 – «Этнопсихология»

6B01203 – «Этнопедагогика»

6В01405 – «Көркем еңбек және сызу»

Факультетте – 1000-нан аса студенттер дәріс алады. Факультетте бастауыш сынып мұғалімдері, педагог, әлеуметік педагог, психологтар, шетел тілінің мамандары (ағылшын-қытай, ағылшын-корей, ағылшын-түрік), қазақ тілі мен әдебиеті пәнінің мұғалімдері, филологтар, дене шынықтыру және спорт, бастапқы әскери дайындық, бейнелеу өнері және сызу саласындағы мамандар даярланады. Түлектер сәйкесінше мектепке дейінгі оқыту мен тәрбиелеу мекемелерінің барлық типтері, жалпы білім беретін орта мектеп жүйесі, мамандандырылған мектептер, арнайы түзету мекемелері, бастапқы кәсіби білім беру мекемелері, орта кәсіби білім беру мекемелері, орта білімнен кейін білім беру және басқару ұйымдары, сондай-ақ ғылым, баспа ісі, бұқаралық ақпарат құралдары, оның ішінде интернет, білім беру саласындағы әкімшілік қызметтер, әлеуметтік-гуманитарлық қызметтердің басқа да салаларына жұмысқа орналаса алады.

Факультет құрамында даярланатын мамандықтарға сәйкес дәрісханалар, зертханалар, әдістемелік кабинеттер жұмыс жасайды. Факультеттің барлық профессор-оқытушылары ғылыми-зерттеу жұмыстарымен айналысып, республикалық, халықаралық ғылыми конференцияларда, журналдарда мақалалар жариялауда, оқу-әдістемелік құралдар, оқулықтар, электронды оқулықтар, монографиялар шығаруда, студенттерді де ғылыми-зерттеу жұмыстарына баулып, әр түрлі студенттік ғылыми конференцияларға, олимпиадаларға, байқауларға, сондай-ақ облыстық, республикалық, халықаралық жарыстарға, спартакиадаларға қатысуға және жүлделі орындарға ие болуға ықпал етуде. Студенттерге шетел тілін меңгертуде Оңтүстік Корея Кенгһам Университетінің оқытушысы – Ли Минджа дәріс беруде. Факультет студенттері академиялық ұтқырлық бағдарламасы бойынша басқа ЖОО-да және шет елдерде білім алып, тәжірибеден өтуде. Атап айтқанда: Қытай халық Республикасының Құлжа қаласындағы Іле педагогикалық университетінде, Қытай халық Республикасының Санжы университетінде, Оңтүстік Корей Сеул қаласындағы Пан Юн университеттерінде дәріс алуда.

 

Факультеттің жетістіктері

«Жалпы педагогика» кафедрасына қарасты 5В010300 - «Педагогика және психология» мамандығының студенттері Бейбітова Жансая Сұлтанқызы (ПжП 16-1 тобы), Нұрсүлейменова Айгерім Бүркітқызы (ПжП 18-1 тобы) 2019 жылдың 27 қараша күні Нұр-Сұлтан қаласында өткен «БӨБЕК ЖАЛПЫҰЛТТЫҚ ҚОЗҒАЛЫСЫНЫҢ» ұйымдастыруымен республикамыздың барлық аймағын қамтыған «ҮЗДІК СТУДЕНТ – 2019» жобасына қатысып І дәрежелі дипломмен және медальмен марапатталып, «Жас қыран» Республикалық талантты жастардың ІІІ кітап жинағына енді.

2019 жылдың 4-5 желтоқсанында «Ғылым мен инновация – жастар болашағы» атты студенттердің ХІІ – ші Республикалық ғылыми – тәжірибелік конференциясына өз мақалаларын ұсынып, баяндама оқыған Айсейтова Гүлнәзік, Байсейт Алина «Белсенді қатысқаны үшін», Бейбитова Жансая жоғары дәрежеде баяндамасын оқығаны үшін «І» орынмен марапатталды.

«Бастауыш оқытудың педагогикасы мен әдістемесі» мамандығы бойынша: Абитова Айдай, Жолгав Динара «Бизнестің Жол картасы - 2020» Атамекен ҰКП ұйымдастырған «Жас кәсіпкер мектебі» жобасы бойынша сертификат иеленді. Осы аталған мамандық бойынша Абитова Айдай Сабитқызы Қазақстан Республикасының дарынды жастарын қолдау мақсатында жастар жылының аясында шығарылған «Жылдың үздік студенті» атты республикалық жинақ кітабына енгізілгені үшін «Қазақстанның 100 үздік көшбасшы студенті» атты республикалық байқаудың 2019 жылғы жеңімпазы болды.

«Филология» кафедрасының меңгерушісі, ф.ғ.к., доцент Рабиға Ағабекқызы Беркенова мен ф.ғ.к., доцент Эльмира Кулибайқызы Пертаева 2019 жылы Чехия Республикасының Теплице қаласында Халықаралық «Перспектива» орталығының ұйымдастыруымен өткен «Үздік әдістемелік жұмыс» медалімен марапатталды. Кафедра доценті, ф.ғ.к. М.Әбілов 2019 жылы Нұр-Сұлтан қаласында өткен «Үздік педагог - 2019» медалімен марапатталды. Кафедра доценті, ф.ғ.д. Қ.К.Молгаждаровтың 2019 жылы Чехия Республикасының Теплице қаласында жарияланған мақаласы үздік деп танылып, Канададағы «Culture, education, literature» (MSBooks Publishing, Winnipeg, Canada) атты ғылыми журналға жарияланды.

Жас мұғалімдердің қоғамдағы орнын айқындау мақсатында Алматы қалалық Білім басқармасы, Қасыл Қатықбаева атындағы №168 мектеп-гимназия ұжымының, Медеу ауданының әкімдігінің, Абай атындағы Қазақ ұлттық педагогикалық университетінің, «Мансап» мен «Жастар бастамалар қолдау» орталықтарының ұйымдастыруымен IІ Республикалық «ҮЗДІК ЖАС ҰСТАЗ – 2019» форумы өтті. Форум мақсаты мен бағыты: Жас мұғалімдердің қоғамдық және әлеуметтік мәселелерін көтеру болды. Бүгінгі таңда мұғалімдердің статусын көтеру мәселесі қоғамда жиі талқыға түсіп келуі. Форумға «Шетел тілдері» кафедрасының аға оқытушылары Момбекова Думан Қанатқызы, Жанысбек Айдана Жанысбекқызы қатысып, «ҮЗДІК ЖАС ҰСТАЗ – 2019» атты төсбелгілерін алды.

«Шетел тілдері» кафедрасының аға оқытушысы А.Б.Есеева қазіргі заманауи ақпараттық-технологияларды оқу процесінде тиімді пайдаланып, «Современный педагог-2019» фестиваліне қатысып, дипломмен марапатталды.

«Шетел тілдері» кафедрасының оқытушылары Г.Тұргынтаева, С.Жақсылықова, Ли Минджа 12.12.2019-13.12.2019 жылы академиялық ұтқырлық бағдарлама аясында Lakehead University Канада мемлекетінен шақырылған профессор, PhD Сет Агбо өткізген семинарға қатысып сертификатын иеленді.

2019 жылдың сәуір айының 11-12 жұлдызында Е.А.Букетов атындағы Қарағанды мемлекеттік университетінің ұйымдастыруымен -5В010400 – «Бастапқы әскери дайындық» мамандықтары бойынша 11 Республикалық пәндік олимпиада өтті. Ұйымдастырылған олимпиадаға «Шығармашылық мамандықтар» кафедрасына қарасты БӘД-15-1тобының студенті Мелдебек Р., БӘД-16-1 тобының студенті Ермагамбетов Ә, БӘД-17-1 тобының студенті Берік Н. кафедра оқытушысы Ж.Умаралиеваның жетекшілігімен қатысып, номинацияға иеленді.

«Дене шынықтыру және спорт» мамандығы студенттерінің бірқатар жетістіктерін атап өтер болсақ: Салықбай Диана Бақытқызы - көғалдағы хоккейден 2012 жылы спорт шберіне үміткер, 2016 жылы спорт шебері атағының иегері. 2017 жылғы I санаттағы төреші. ҚР- кубогының жеңімпазы. Азия чемпионатының қола жүлдегер. Индорхоккейден 2018жылғы  қыздар арасында Қазақстан Республикасының чемпионатының II- орын иегері, Индорхоккейден  2019 жылғы Қазақстан Республикасының кубогының Үздік ойыншысы,  Индорхоккейден 2018 жылғы  қыздар арасында Қазақстан Республикасының чемпионатының I- орын иегері.

Ахан Арайлым - Дзю- до дан және самбодан Қазақстан Республикасының жеңімпазы , Азия кубогінің иегері, Самбодан Азия чемпионатының күміс жүлдегері, жазғы универсиаданың қола жүлдегері. 2018 жылы Қазақ күресінен 1998- 2000 жылы туылған жастар арасындағы Қазақстан Республикасының  чемпионатының I- орын иегері 57 кг, Қазақстан Республикасы IX- жазғы Универсиадасында самбо күресінен III- орын иегері.

Тасқұл Жасұлан - Еркін күрестен Қазақстан Республикасының екі мәрте қола жүлдегері, Азия чемпионатына іріктеу жарысының қола жүлдегері. Халықаралық турнтрлердің жеңімпазы. 2018 жылы еркін күрестен 1998- 2000 жылғы туылған жастар арасында Астана қаласына 20 жыл толуына арналған Республикалық турнирдің II- орын иегері, КСРО спорт шебері Қазақстан Республикасына еңбегі сіңген жаттықтырушы, спорт қайраткері және Халықаралық экстра- класс дәрежедегі төрешесі Т.С. Сайқановты еске алуға арналған еркін күрестен 2000-2001ж.т ұлдар арасында өткен жарыстың II- орын иегері.

Ханапиев Дарын - Қазақ күресінен Қазақстан Республикасының жеңімпазы, Самбо күресінен күміс жүлдегері, Белбесу күресінен спорт шебері. Қазақ күресінен кіші жасөспірімдер мен жастар арасында «Жас Барыс» Республикалық турнирінің II- орын иегері. Белбесу күресінен жастар арасында Қазақстан Республикасының Чемпионатында I- орын иегері.2018 жылы Самбо күресінен 2000- 2001 ж.т жасөспірімдер арасында Қазақстан Республикасының чемпионатында II- орын иегері.

Еділбаева Айдана Әділбайқызы - Дзюдадан спорт шеберіне үміткер, 2017 жылы Самбодан Қазақстан чемпионатының қола жүлдегері, самбодан спорт шеберлігіне үміткер. 2018 жылғы Қазақстан Республикасының  IX Жазғы Спартакиадасында 48 келіде III- орын иегері. Самбо күресінен 2001 – 2002 жылы туылған жасөспірімдер арасындағы Қазақстан Республикасың чемпионатында 44 келі салмақта III- орын иегері. Дзюдо куресі бойынша қыздар арасында Қырғыстан Республикасы Чуй облысының ұйымдастырумен өткен белдесуде 48 келі салмақта III- орын иегері.

Ахметова Наргиза Күмісбекқызы - Паратанцыдан халықаралық турнирдің алтын және қола жүлдегері (Cuijk 2019 Para Dance Sport International Competition)Тараз қаласындағы № 42 орта мектеп. 2005 жылы бітірді 28.11.1987 жылы туған, Тараз инновациялық-гуманитарлық университетінің Бейнелеу өнері және сызу мамандығын бітірген) 2014 жылдан 2018 жылға дейін паратанцы (арбадағы би ) бойынша Қазақстан Республикасының 5 дүркін чемпионы. 2014 жылы Инчеон (Корея) қаласында өткен паратанцы (арбадағы би) бойынша II Жазғы Азия Пара ойындарының жүлдегері. Паратанцыдан (арбамен билеу) Рим қаласында (Италия) 2015 жылғы Әлем чемпионатының қола жүлдегері). 2019 жылы Кук қаласында (Голландия) паратанцы бойынша халықаралық турнирдің алтын және қола жүлдегері (арбадағы би). Паратанцы бойынша халықаралық турнирлердің бірнеше дүркін жүлдегері (арбадағы би). 2014 жылдан 2019 жылға дейін

«Кәсіптік оқыту» мамандығы бойынша: Сагинбаев Балмағанбек, Чаргынова Элиза, Абитова Лаззат сынды студенттеріміз «Бизнестің Жол картасы - 2020» Атамекен ҰКП ұйымдастырған «Жас кәсіпкер мектебі» жобасы бойынша сертификат иеленді.

Факультеттің мекен-жайы: Тараз қаласы, Сатпаев көшесі 1 А, № 2 оқу ғимараты.

 

«ПЕДАГОГИКА ЖӘНЕ ПСИХОЛОГИЯ» КАФЕДРАСЫ

«ПЕДАГОГИКА ЖӘНЕ ПСИХОЛОГИЯ» КАФЕДРАСЫ

Кафедра "6В01101 (5В010300) Педагогика және психология" мамандығы бойынша бакалаврларды және "7М01101 (6М010300) – Педагогика және психология" мамандығы бойынша магистранттарды даярлайды. Аталған мамандықтар бойынша оқу үдерісін жүргізу үшін кафедра қажетті материалдық-техникалық базамен, соның ішінде интернет жүйесіне қосылған оқу мамандандырылған аудиториялармен жабдықталған, электрондық оқу кабинеттері, оқу зертханалары бар.
2019-2020 оқу жылынан бастап білім беру бағдарламасында мамандықтың шифры өзгеруне байланысты күндізгі бөлімге қабылданған 1 курс студенттері 6В01101 шифрымен «Педагогика және психология» мамандығына қабылданды.
     «Педагогика және психология» кафедрасы келесі анықтамалармен мінезделінеді: рецензиялық журналдар, ғылыми монографиялар, кітаптар, рецензиялық жинақтарда мақалалар, баяндамалар жариялау, ғылыми іс – шараларға ат салысу және ұйымдастыру, ғылыми зерттеулер. Сонымен қатар «Педагогика және психология» кафедрасы: элективті пәндер каталогын, әдістемелік нұсқаулар, жұмыс оқу бағдарламалары, тесттерді жасау, дидактикалық материалдарды әзірлеу; авторлық бағдарламаларды рецензиялау және т.б.
       Мұғалімдердің жұмысының нәтижелері ректордың бұйрығымен жыл сайын тағайындалатын конкурстық комиссиямен анықталады. Рейтингтік бағалау нәтижелері бойынша конкурстық комиссия «ТИГУ-нің  үздік оқытушысы», «ТИГУ үздік кафедрасы», «ТИГУ үздік факультеті» анықтайды. Сонымен, 2015-2016 жылдары «Педагогика және психология» кафедрасы «ТИГУ-нің ең үздік кафедрасы» номинациясын жеңіп алды. 
  Кафедраның профессор-оқытушылар құрамының тәрбие жұмысы ТИГУ тәрбие жұмысының кешенді жоспарының негізінде жүзеге асырылады. Кураторлық - мұғалімдердің іс-әрекеттерінің бірі және студенттермен өзара әрекеттесудің бір түрі болып саналады. Кафедра «Мен өмірді таңдаймын» тақырыбында семинар өткізді (жастар арасындағы суицидтің алдын-алу), «Асыл Арман» қоғамдық бірлестігінің психологы Марал Хантөре қызының «Қоғамның заманауи жағдайында жастардың психологиялық бейімделуі» тақырыбына арналған «Елге сапар психологиясы» атты іс-шарасы облыстық және университеттік көлемде «Рухани жаңғыру» бағдарламасы бойынша іс-шаралар өткізді. Сонымен қатар «Қазіргі Қазақстан қоғамындағы жастардың девиантты мінез-құлық аспектілері» атты тақырыпта ғылыми-зерттеу жұмысына конференция ұйымдастырды.
    Кафедра меңгерушісі жыл сайынғы есептерде және рейтингісінде көрсетілетін мұғалімдердің жеке жоспарына сәйкес жоспарланған жұмыстың орындалуын талдайды.
       5В010300 «Педагогика және психология» кафедрасының профессор-оқытушылар құрамы «Педагогика» және «Психология» пәндері бойынша факультеттің барлық мамандықтары бойынша дәріс оқиды.
Білім беру бағдарламасының міндеті 5В010300 – "Педагогика және психология" білім беру бағдарламасының мақсаты-ғылым негіздерін, заманауи инновациялық технологиялар саласындағы білімді меңгерген, кәсіби қызметті жүзеге асыра алатын, білім беру кеңістігінде бәсекеге қабілетті социумның әлеуметтік саласын психологиялық-педагогикалық қамтамасыз етуге және үйлестіруге бағытталған жоғары білікті педагог-психологтарды дайындау болып табылады. Қойылған мақсатқа сүйене отырып, келесі міндеттер топтары құрылады:
1.Қазіргі заманғы талаптарға сәйкес келетін білім деңгейін қамтамасыз ету:
- Ойлау дербестігін, өзін-өзі дамыту және өздігінен білім алу қабілетін дамыту;
- Білім алушылардың жеке-тұлғалық ерекшеліктерін ескеретін жағдайларды қамтамасыз ету;
- Деңгейлік бағдарламаларды оқу үдерісіне кеңінен енгізу арқылы білім беру үдерісінде шығармашылық атмосфераны құру;
- Білім алушылардың оқу қызметіне құлшына атсалысуын қалыптастыру.
2.Шығармашылықпен жұмыс істейтін педагогтар ұжымын қалыптастыру:
- әдістемелік бірлестіктердің жұмысын жетілдіру;
-білім сапасын диагностикалаудың технологиялары мен әдістемелерін зерделеуді, енгізуді және жетілдіруді ұйымдастыру;
- педагогтардың шығармашылық және ғылыми жұмыстарын жариялауды ұйымдастыру;
- білім беру үдерісінде ақпараттық технологияларды қолдану бойынша педагогтардың оқуын жалғастыру.
3.Оқу-тәрбие процесін ұйымдастыруды жетілдіру:
- Интеграция негізінде оқу пәндерінің өзара әрекеттесуін жетілдіру;
- Оқытудың дифференциациясын, проблемалық оқыту технологиясын дамыту;
- Оқу-тәрбие процесіне негізгі құзыреттілікті қалыптастыратын технологияларды енгізу.


2019-2020 оқу жылынан бастап білім беру бағдарламасында мамандықтың шифры өзгеруне байланысты магистратураға қабылданған 1 курс студенттері 7М01101 шифрымен «Педагогика және психология» мамандығына қабылданды.
6М010300 "Педагогика және психология" мамандығының білім беру бағдарламасының негізгі мақсаты білім мен ғылымның интеграциясы негізінде қоғамды, экономиканы, өндірісті, білімді, ғылымды жетілдіру мәселелерін шешуге, серпінді технологияларды әзірлеуге қабілетті жаңа формациядағы ғылыми, ғылыми-педагогикалық кадрларды даярлаудың тиімді жүйесін құру болып табылады.
Магистратураның білім беру бағдарламасын меңгерудің нормативтік ұзақтығы:
- бейіндік дайындық кезінде 1 жылды құрайды;
- ғылыми және педагогикалық дайындық кезінде 2 жылды құрайды.
Осы бағдарламаны іске асыру магистрдің педагогикалық, ғылыми - зерттеу, басқару, жобалау, әдістемелік және мәдени - ағартушылық қызмет саласында кәсіби міндеттерді табысты шешуін, жалпы мәдени және кәсіби құзыреттілікті меңгеруін көздейді.
Академиялық дәрежесі:
- бейіндік бағыт бойынша-6М010300 "Педагогика және психология" мамандығы бойынша білім магистрі»;
- ғылыми және педагогикалық бағыт бойынша-6М010300 "Педагогика және психология" мамандығы бойынша педагогика ғылымдарының магистрі.
Кәсіби қызмет саласы:
- ғылыми-педагогикалық: білім беру мекемелерінің түрлі типтеріндегі ғылыми қызметкер;
- бейіндік: білім беру, педагогикалық кадрларды даярлау және қайта даярлау саласындағы педагог-психолог.
Кәсіби қызмет объектілері:
-ғылыми-зерттеу мекемелері;
- білім беру ұйымдары;
- білім беруді басқару органдары.
Кәсіби қызмет түрлері: 6М010300 – "Педагогика және психология" мамандығы бойынша магистратура түлектері келесі кәсіби қызмет түрлерін атқара алады:
Бейіндік дайындық кезінде:
- ұйымдастырушылық-басқару: педагогикалық білім беру жүйесінің менеджері;
- білім беру: білім беру, педагогикалық кадрларды даярлау және қайта даярлау саласындағы педагог-психолог.
Ғылыми-педагогикалық дайындық кезінде:
- ғылыми-зерттеу: білім беру мекемелерінің түрлі типтеріндегі ғылыми қызметкер;
- білім беру: білім беру, педагогикалық кадрларды даярлау және қайта даярлау саласындағы педагог-психолог.

Магистратура мамандықтары үшін

 

Кафедра

                                                             ФИЛОЛОГИЯ КАФЕДРАСЫ

 

Филология кафедрасының жұмысы мамандықтың мемлекеттік білім беру стандарттарына сәйкес терең теориялық және практикалық дайындығы, мықты кәсіби білімі, іскерлік пен дағдысы бар мамандарды дайындауға бағытталған.
Білім беру қызметінің сапасын арттыру саласындағы кафедраның мақсаты – тұтынушыларды білім беру мемлекеттік стандарттарына сәйкес білім беру қызметтерімен қамтамасыз ету деңгейінде оқу іс-әрекетін жүзеге асыру болып табылады.
    Кафедраның ғылыми-педагогикалық қызметі Қазақстан Республикасы үшін қазақ/орыс тілі, қазақ/орыс әдебиетін және түркітану салаларын оқыту әдістері шеңберіндегі мамандарды дайындауға бағытталған.
   Тіл және әдебиет теориясы кафедрасы қазіргі уақытта жоғары кәсіби білім беру саласында білім беру қызметін жүзеге асырады: бакалавр, магистратура. (5В020500-Филология, 6В02301-Қазақ филологиясы, 5В011700/6В01701-Қазақ тілі мен әдебиеті, 6М020500/7М02301-Филология).
Филология кафедрасы бұқаралық ақпарат құралдарымен белсенді жұмыс істейді: кафедра оқытушыларын радио мен теледидарға бағдарламалардың қатысушылары ретінде шақырады. Кафедраның өткізілген ғылыми және қоғамдық іс-шараларының нәтижелері аудандық әрі облыстық баспа басылымдарында жарияланады.   
     
Бітірушілердің жұмысқа орналасуы:
      5В020500 - Филология (бакалавриат) және 6М020500 – Филология (магистратура) білім беру бағдарламаларын іске асыру Тараз қаласы мен Жамбыл облысының қажеттіліктеріне негізделген. 3 курстан бастап, бакалавр-студенттермен, 2 курстан бастап магистрант-студенттермен аймақтық еңбек нарығында бейімделу жұмыстары жүргізілуде. Жыл сайын университетте "Бос жұмыс орындары жәрмеңкесі" өткізіледі, оған әлеуетті жұмыс берушілер – қаланың мемлекеттік және коммерциялық құрылымдарының өкілдері шақырылады. Облыс ұйымдары түлектер үшін қаланың және облыстың орта оқу орындарында бар бос орындар тізімін ұсынады.
Студенттердің теориялық және практикалық дайындығының жоғары деңгейі Тараз қаласы мен облыстың еңбек нарығында олардың білімдерін жүзеге асыруға ықпал етеді. "Филолог" біліктілігін алған бакалаврлар мен магистрлер білім беру саласындағы ұйымдастырушылар, қазақ тілі мен әдебиеті оқытушылары, аудармашылар, баспасөз хатшылары, жарнама жөніндегі менеджерлер, бизнес саласындағы мамандар, корректорлар, іс қағаздарын жүргізуші және т. б. жұмыс істейді.

Кафедра жетістіктері:
Филология кафедрасының меңгерушісі, ф.ғ.к Рабиға Ағабекқызы Беркенова мен ф.ғ.к. Эльмира Кулибайқызы Пертаева 2019 жылы Чехия Республикасының Теплице қаласында Халықаралық «Перспектива» орталығының ұйымдастыруымен өткен «Үздік әдістемелік жұмыс» медалімен марапатталды.
Кафедра доценті, ф.ғ.к. М.Әбілов 2019 жылы Нұр-Сұлтан қаласында өткен «Үздік педагог - 2019» медалімен марапатталды.
Кафедра доценті, ф.ғ.д. Қ.К.Молгаждаровтың 2019 жылы Чехия Республикасының Теплице қаласында жарияланған мақаласы үздік деп танылып, Канададағы «Culture, education, literature» (MSBooks Publishing, Winnipeg, Canada) атты ғылыми журналға жарияланды.

«Түрікше сөйлей аламын» үйірмесі.
Үйірменің мақсаты – студенттердің түрік тілін коммуникативтік қатынаста қолдан білуін қамтамасыз етіп, түрік халқының мәдениетімен таныстыру. Сонымен қатар аталмыш үйірменің төмендегідей тәрбиелік мәні бар:
Студенттің жеке әрі кәсіби қабілеттерін дамыту;
Мәдениет аралық байланысқа түсу арқылы басқа да халықтардың мәдениетімен және әлемге деген көзқарасымен танысып, оған бейімделе білуді үйрету;
Кедергілерді еңсере отырып, алдыға қойған мақсаттарға жетуге деген сенімді қалыптастыру;
Осы үйірмеде түрік тілін үйрену арқылы өзге елдердің тілі мен мәдениетіне деген қызығушылық қалыптасады.
Үйірменің қарастыратын негізгі функциялары:
ақпараттық – методикалық;
жоспарлы түрде ұйымдасу;
бақылауыштық.
Үйірменің бағдарламасы негізгі бес бағытты қамтиды:
Грамматика – студенттерді түрік тілінің грамматикасымен таныстыру;
Сөйлесім – коммуникативтік қабілетті дамыту арқылы түрік тілінде еркін сөйлесуді үйрету;
Жазылым – түрік тілінде жаза білу қабілетін дамыту;
Тыңдалым – түрік тіліндегі сөздерді түсіне білу қабілетін дамыту;
Мәдениеттану – Түрік елінің мәдениетімен таныстыу арқылы тілді үйренуге қызығушылықты дамыту.
Үйірме жетекшісі – гуманитарлық ғылымдар магистрі, оқытушы Саржаев Олжас Тілебалдыұлы.

2019-2020 оқу жылына кафедраның штатына 16 адам бекітілді: 

  

КАФЕДРА МЕҢГЕРУШІСІ

ОҚЫТУШЫЛАР ҚҰРАМЫ

КАФЕДРА ЖАҢАЛЫҚТАРЫ

КАФЕДРА ЖЕТІСТІКТЕРІ 

ЭЛЕКТИВТІ ПӘНДЕР КАТАЛОГЫ (ФИЛОЛОГИЯ)

ЭЛЕКТИВТІ ПӘНДЕР КАТАЛОГЫ (ҚАЗАҚ ТІЛІ)

ЭЛЕКТИВТІ ПӘНДЕР КАТАЛОГЫ ҚАЗАҚ ТІЛІ  МЕН ӘДЕБИЕТІ  (МАГИСТРАТУРА 1 ЖЫЛДЫҚ)

ЭЛЕКТИВТІ ПӘНДЕР КАТАЛОГЫ ҚАЗАҚ ТІЛІ  МЕН ӘДЕБИЕТІ  (МАГИСТРАТУРА 2 ЖЫЛДЫҚ)

БІЛІМ БЕРУ БАҒДАРЛАМАСЫ (ФИЛОЛОГИЯ)

БІЛІМ БЕРУ БАҒДАРЛАМАСЫ (ҚАЗАҚ ТІЛІ МЕН ӘДЕБИЕТІ )

БІЛІМ БЕРУ БАҒДАРЛАМАСЫ ҚАЗАҚ ТІЛІ МЕН ӘДЕБИЕТІ (МАГИСТРАТУРА) 

ЖҰМЫС ОҚУ БАҒДАРЛАМАСЫ (ФИЛОЛОГИЯ)

ЖҰМЫС ОҚУ БАҒДАРЛАМАСЫ (ҚАЗАҚ ТІЛІ МЕН ӘДЕБИЕТІ)

ЖҰМЫС ОҚУ БАҒДАРЛАМАСЫ ҚАЗАҚ ТІЛІ МЕН ӘДЕБИЕТІ (МАГИСТРАТУРА)

 

Кафедра

ШЕТЕЛ ТІЛДЕРІ» КАФЕДРАСЫ 

2017 жылы құрылған «Шетел тілдері» кафедрасы  Тараз  инновациялық-гуманитарлық университетінің жаңа кафедраларының бірі болып табылады. 2018 жылдың қыркүйегінен бастап кафедра меңгерушісінің міндетін атқарушы - филология ғылымдарының кандидаты, магистр Тургунтаева Гульсара Ашимбаевна тағайындалды.
Кафедрада 12 оқытушы (1 профессор, педагогика ғылымының докторы, 2 педагогика ғылымының кандидаты, 2 филология ғылымының кандидаты, 5 магистр, 2 оқытушы) жұмыс атқарады.
Кафедраның профессор оқытушылар құрамы барлық мамандықтарға және жоғары кәсіби білім беру мамандықтары бойынша студенттерге шетел тілін үйретеді. Мемлекеттiк лицензия негiзiнде кафедрада келесi бағыты бойынша мамандарды дайындайды: бакалавриат бойынша 5В011900 - «Шетел тілі: екі шетел тілі», 6В01702 - «Шетел тілі: екі шетел тілі мұғалімдерің даярлау»; магистратура бойынша 6M011900 –«Шетел тілі: екі шетел тілі», 7М01703- «Шетел тілі: екі шетел тілі оқытушыларды даярлау» (ғылыми-педагогикалық бағыт), 7М01704- «Шетел тілі: екі шетел тілі» (бейіндік бағыт).
2018 жылы  5В011900–«Шетел тілі: екі шетел тілі» бакалавр мамандығы «Білім сапасын қамтамасыздандыру бойынша тәуелсіз Қазақстандық» агенттігінен мамандандырылған   аккредиттеуден өтті.  Аккредиттеу кеңесі жоғарыда аталған мамандық бойынша 23.06.2023 ж. дейін  5 жыл мерзімге куәлік берілді.
2019 оқу жылы 6М011900–«Шетел тілі: екі шетел тілі» магистратура мамандығы «Білім сапасын қамтамасыздандыру бойынша тәуелсіз Қазақстандық» агенттігінен мамандандырылған   аккредиттеуден өтті.
Кафедраның миссиясы:  күнделікті және кәсіби қарым-қатынаста шет тілін белсенді қолдану үшін сөйлесу сөзінің дағдылары мен практикалық дағдыларына ие білімдерін пайдалана отырып, шет тілдерін меңгерудің арқасында үздіксіз өзін-өзі тану және болашақта өз біліктілігін арттыра алатын бәсекеге қабілетті мамандарды дайындау.
Кафедраның негізгі бағыты - заманауи инновациялық технологияларды қолдана отырып студенттердің коммуникативтік және кәсіби біліктіліктерін дамыту. Кафедраның негізгі бағыты - "студенттердің лингвистикалық, социолингвистикалық, дискурсивтік, социо-мәдениеттік, әлеуметтік-стратегиялық компоненттерге негізделген шеттілдік  коммуникативтік біліктіліктерін дамыту.
         Кафедраның мақсаты  - заманауи инновациялық технологияларды қолдану арқылы студенттердің коммуникативтік және кәсіби құзыреттіліктерін дамыту.
Кафедраның ғылыми-зерттеу жұмысының негізгі мақсаты бірқатар нақты міндеттерді шешуге бағынады:
- тілдік мамандықтарының студенттеріне шет тілін оқытудың әр түрлі аспектілері бойынша ғылыми, әдістемелік және лингвистикалық әдебиеттерді зерттеу;
- таңдалған зерттеу бағыттары бойынша мақалалар және ғылыми баяндамаларды жазу;
- тілдік мамандықтарының студенттерімен практикалық сабақтарда және кафедраның ғылыми-әдістемелік семинарында шет тілін оқытудың анықталған ерекшеліктерін апробациялау мәселелерін талқылау.
Кафедраның ғылыми-зерттеу қызметінің негізгі бағыттары келесі мәселелермен байланысты:
-          көптілділік тұрғысынан шет тілдерін үйрету мен оқытудағы ағымдағы үрдістер мен тенденциялар;
-          жоғары білім берудегі тілдік білім беруді жаңғырту контекстінде мәдениетаралық шет тілін оқытудағы қазіргі заманғы педагогикалық технологиялары;

 

 

 

 

 

Кафедра туралы

         «ДЕНЕ ШЫНЫҚТЫРУ ЖӘНЕ БАСТАПҚЫ ӘСКЕРИ ДАЙЫНДЫҚ» кафедрасы

   

«Дене шынықтыру және Бастапқы әскери дайындық» кафедрасының тарихы: «Дене шынықтыру және Бастапқы әскери дайындық» кафедрасының негізі 2009 жылдан басталады. Оның қызметінің негізгі мақсаты - салауатты өмір салтын ұстану, денсаулықты қалпына келтіру және нығайту, функционалдық жағдайды жақсарту, студенттерге күнделікті өмірде, оқу мен жұмыста қажетті кәсіптік және қолданбалы дағдыларды меңгерту.
«Дене шынықтыру және бастапқы әскери дайындық» кафедрасы «Білім» факультетінің құрамында 2009 жылдан бері салалық мамандар дайындауды жүзеге асыруда. Кафедраның жоғары санатты профессор-оқытушылар құрамымен жабдықталуына жоғары талаптар қойылған. Бүгінгі таңда кафедрада кафедра меңгерушісі т.ғ.д., профессор Немеребаев М.Н., медицина ғылымдарының кандидаты Г.Нурумова, Қазақ КСР еңбек сіңірген жаттықтырушысы С.Әбдікерімов, Қазақстан Республикасының еңбек сіңірген жаттықтырушысы Д.Қандыбаев, Қазақстан Республикасының спорт шебері Смағанбетова А., подполковник Тұрсынбаев М., запастағы майор Үсен Б., аға оқытушылар Аманкулова К., Орымбаев А., Абдыхайранов У., Кошкинбаев С., Уразова Г., Касымова А., Перманова К., Бекбергенова М., Мусабеков С. және оқытушылар Томан Ф, Кали Б., Мейірбеков Т. еңбек етуде.
«Дене шынықтыру және спорт» және «Бастапқы әскери дайындық» мамандықтары бойынша оқытудың: күндізгі, сырттай, екінші жоғары формаларына сәйкес кафедра мамандар дайындауды іске асыруда.
Білім беру сапасы көбінесе университеттің білім беру бағдарламаларына сәйкес нақтыланады. Мамандарды заманауи қажеттіліктерге сай дайындау білім беру бағдарламаларын жұмыс берушілердің талаптарына сәйкес жетілдірудің қажет екенін көрсетіп отыр. Яғни, мамандарды дайындауға қойылатын талаптар, білім беру бағдарламаларын үнемі жаңартып отыруды қажет етеді.

«Дене шынықтыру және Бастапқы әскери дайындық» кафедрасы өзінің мақсатты еңбегін іске асыру барысында студенттердің жоғары кәсіби және спорттық жетістіктерге жетуі үшін теориялық курсты оқыту деңгейін жоғарылатуды, оқу-жаттығу жиындарын өткізудің сапасына байланысты мәселелерді жақсартуды өз міндеті деп есептейді.

Кафедра туралы

«МЕКТЕПКЕ ДЕЙІНГІ және БАСТАУЫШ ОҚЫТУ» кафедрасы

   

Кафедраның құрылған күні – 01.09.2018ж. 

«Мектепке дейінгі және бастауыш оқыту» кафедрасы Қазақстан Республикасы Білім және ғылым министрлігінің мемлекеттік жалпыға міндетті білім беру стандарты талаптарына сай 5В010100 – «Мектепке дейінгі оқыту және тәрбиелеу», 5В010200 – «Бастауышта оқыту педагогикасы мен әдістемесі» мамандықтары бойынша білім бакалавры академиялық дәрежесін дайындайды.
5В010100 – «Мектепке дейінгі оқыту және тәрбиелеу» мамандығы бойынша бітіруші түлекке, мектепке дейінгі оқыту мен тәрбиелеу бакалавры академиялық дәрежесі беріледі.
«Мектепке дейінгі оқыту және тәрбиелеу» бакалавры төмендегі қызметтерді атқарады:
– мектепке дейінгі ұйым тәрбиешісі;
–педагогикалық колледж оқытушысы;
–білімді басқару департаментінде жетекші маман;
педагогикалық кадрлардың білімін жетілдіру институтында мектепке дейінгі тәрбие бойынша маман.
5В010100 – «Мектепке дейінгі оқыту және тәрбиелеу» мамандығы бакалаврының біліктілік сипаттамасы: маманның кәсіби әрекеті сәби, мектепке дейінгі және мектепалды дайындық топтарындағы балаларды дамыту, тәрбиелеу және оқытуға бағытталған. Түлек педагогикалық, ұйымдастыру-басқару, білім беру әрекеттеріне дайын болуы тиіс.
5В010200 – «Бастауыш оқыту педагогикасы мен әдістемесі» мамандығы бойынша бакалаврдың біліктілік сипаттамасы: бастауыш сыныптар мұғалімінің кәсіптік іс-әрекетінің шеңбері – оқу іс-әрекетінде оң мотивтері мен біліктерін қалыптастыруға бағдарланған оқу жазу, есептеу, қарапайым тілдік қарым-қатынас тәжірбесінің берік дағдыларын алуға, шығармашылық өз мүмкіндіктерін жүзеге асыруға, жүріс-тұрыс мәдениетіне, тұлға гигиенасының негіздерін және салауатты өмір салтын, негізгі мектептің білім беру бағдарламаларын игеру үшін негіз жасайтын білім берудің алғашқы сатысында оқушыларды оқыту және тәрбиелеу.
«Бастауыш оқыту педагогикасы мен әдістемесі» мамандығы бойынша баклаврлар төмендегідей кәсіптік қызмет түрлерін атқара алады:
ұйымдастырушылық-технологиялық (педагогикалық технология негізінде оқу-тәрбие процесін ұйымдастыру);
педагогикалық процесті басқару («субъект-субъект» өзара әрекеті);
жобалау (бастауыш мектептегі білім беруді жобалау);
–ғылыми-зерттеу (озық педагогикалық тәжірибені ғылыми негізде зерттеу, жинақтау, тарату);
білім берушілік-педагогикалық (оқуды үйрету).
Кафедрадағы ПОҚ-ы кафедрадағы оқу жұмысы, оқу-әдістемелік, ғылыми жұмыс, ұйымдастыру-әдістемелік жұмыс, тәрбиелік жұмыстар жүргізеді.
Кафедраның ғылыми-зерттеу жұмысы «Қазақстан-2050» стратегиясы қалыптасқан мемлекеттің жаңа саяси бағыты», 2011-2020 жылдарға арналған Мемлекеттік білімді дамыту бағдарламасы және Қазақстан Республикасының 18.02.2011жылғы «Ғылым» туралы заңын басшылыққа алады.
Кафедра құрамында 1 ғылым докторы, профессор, 2 ғылым кандидаты, доцент, 1 PhD, 4 аға оқытушы, 1 оператор қызмет атқарады.
«Мектепке дейінгі және бастауыш оқыту» кафедрасында кафедра меңгерушісі – п.ғ.к., доцент, Елубаева Рахат Сайлаубекқызы.Сонымен қатар, кафедрада белгілі педагогика ғылымдарының докторы, профессор Қ.Бөлеев және п.ғ.к., д.м.а. Ж.Ускенбаева, д.м.а., PhD А.М. Байкулова, кафедраның аға оқытушылары Н.А. Фатикова, Р.Е. Ажибаева, Д.М. Наурызбаев, А.Р. Жакипова студенттерді адамгершілікке, имандылыққа, ізгілікке, ұлттық мінез-құлық пен әдет-ғұрып негізінде тәрбиелеуге баулып, студент-жастардың патриоттық тәрбиесіне де зор көңіл бөлінеді және университет, факультет көлемінде семинар-тренингтермен, конференциялар ұйымдастырып отырады.

Мамандандырылған аудиториялардың, кабинеттердің және зертханалардың тізімі

«Мектепке дейінгі және бастауыш оқыту» кафедрасында арнайы жабдықталған кабинеттер саны – 4: ««Бастауыш оқытудың әдістемелері» дәрістік оқу залы, ««Бастауыш оқытудың педагогикасы мен әдістемесі» дәрістік оқу залы және ««Мектепке дейінгі оқыту мен тәрбиелеу» дәрістік оқу залы» «"Бастауыш сыныптағы оқу-тәрбие жұмыстарының әдістемесі» зертханасы.